ଖୋର୍ଦ୍ଧା: ମାନବବାଦ ସଙ୍ଗଠନର ମୁଖ୍ୟ ମାନସ ଦାସଙ୍କ ବିରୁଦ୍ଧରେ ବଢିବାରେ ଲାଗିଛି ଅଭିଯୋଗର ଫର୍ଦ୍ଦ । ଖୋର୍ଦ୍ଧା ଜିଲ୍ଲା ଅଭିମାନପୁରର ସତ୍ୟବ୍ରତ ହତ୍ୟା ଘଟଣା, କଡବ ଅଞ୍ଚଳର ବାପ ପୁଅଙ୍କୁ ମାଡ଼ମରା ଘଟଣା ଓ ଡାଳତୋଳା ଗ୍ରାମର 6 ପରିବାରଙ୍କୁ ଗାଁରୁ ବିତାଡିତ କରିବା ଭଳି ଘଟଣା ଥମି ନଥିବାବେଳେ ଏବେ ମାନବବାଦ ସଙ୍ଗଠନ ବିରୁଦ୍ଧରେ ଆସିଛି ଆଉ ଏକ ନୂଆ ଅଭିଯୋଗ ।
ସୂଚନାନୁସାରେ ଖୋର୍ଦ୍ଧା ହଳଦିଆ ଗ୍ରାମ ପଞ୍ଚାୟତର କୂଆପୁଟ ଦଣ୍ଡେଇ ସାହିର ଦୁଇ ପରିବାର ମାନବବାଦ ସଙ୍ଗଠନର କର୍ମକର୍ତ୍ତାଙ୍କ ଦ୍ବାରା ନିର୍ଯାତିତ ହୋଇ 2014 ମସିହାରୁ ଗାଁ ଛାଡି ବାହାରେ ରହୁଥିବା ନେଇ ଅଭିଯୋଗ କରିଛନ୍ତି । ସେହିଭଳି ଏହି ଦୁଇ ପରିବାରକୁ ସଙ୍ଗଠନର ଲୋକେ ମାଡ଼ ମାରି ସେମାନଙ୍କ ଘର ଭାଙ୍ଗିଦେବା ସହ ଘରର ମୂଲ୍ୟବାନ ସାମଗ୍ରୀ ଲୁଟି ନେଇଥିବା ନେଇ ପୀଡିତ ଜଣକ କହିଛନ୍ତି ।
ଦୁଇ ପୀଡିତ ଯୁବକ ଏହି ଘଟଣାରେ ଖୋର୍ଦ୍ଧା ଟାଉନ ଥାନାରେ ଅଭିଯୋଗ କରିଥିଲେ ମଧ୍ୟ ପୋଲିସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରି ନଥିବା ନେଇ ସୂଚନା ଦେଇଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ