ଖୋର୍ଦ୍ଧା: ହଜିଯାଇଛି ମଣିଷ ପଣିଆ । ଜିଲ୍ଲାପାଳଙ୍କ ଅଭିଯୋଗ ଶୁଣାଣିରେ ଅଣଦେଖା ଦିବ୍ୟାଙ୍ଗ ନାବାଳକ । ପୋଲିସ ବାବୁ ଓ ସରକାରୀ କର୍ମଚାରୀ ଉପସ୍ଥିତି ଥାଇ ମଧ୍ୟ କାହାରି ନଜର ପଡିନଥିଲା ବାଳକ ଉପରେ । ସେମିତି ଚଟାଣ ଉପରେ ଗଡୁଥିଲା ଦିବ୍ୟାଙ୍ଗ ପିଲାଟି । ଏବେ ସେହି ଭିଡିଓଟି ସୋସିଆଲ ମିଡିଆରେ ଭାଇରାଲ ହେବାକୁ ଲାଗିଛି ।
ଏ ଘଟଣାଟି ହେଉଛି ଖୋର୍ଦ୍ଧା ଜିଲ୍ଲା ବୋଲଗଡ ବ୍ଲକର । ଗତ ସୋମବାର ଜିଲ୍ଲାପାଳଙ୍କ ଶୁଣାଣି ଶିବିରରେ ଦେଖିବାକୁ ମିଳିଥିଲା ଏ ଦୃଶ୍ୟ । ଦିବ୍ୟାଙ୍ଗ ଜଣକ ବୋଲଗଡ଼ ବ୍ଲକର ମଣ୍ଡଳସିଂହ ଗାଁର ହେମନ୍ତ ସାହୁଙ୍କ ପୁଅ ବଳରାମ । ପିଲାଟି ଦିନରୁ ସେ ଦିବ୍ୟାଙ୍ଗ ଥିବାବେଳେ ବାପା ଦିନ ମଜୁରିଆ । ପୁଅର ଚିକିତ୍ସା ପାଇଁ ନିଜ ସଞ୍ଚିତ ଟଙ୍କା ଖର୍ଚ୍ଚ କରି ସର୍ବସ୍ୱାନ୍ତ ହୋଇପଡିଲେଣି।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା