ଖୋର୍ଦ୍ଧା: ଆଜି ହେଉଛି ମହାଶିବରାତ୍ରୀ । ମହାଦେବଙ୍କର ଏହି ଦିନଟିର ବିଶେଷ ମହିମା ରହିଛି । ଶିବଶଙ୍କରଙ୍କ ପୀଠରେ ଆଜି ଭକ୍ତମାନେ ଅତି ଶ୍ରଦ୍ଧାର ସହ ଆଜି ପୂଜାର୍ଚ୍ଚନା କରିଥାନ୍ତି । କୋରୋନା କଟକଣା ଭିତରେ ଖୋର୍ଦ୍ଧା ଜିଲ୍ଲାର ପ୍ରତିଟି ଶୈବପୀଠ ଭକ୍ତମୟ ହୋଇଛି ।
ଜାଗରରେ ଭକ୍ତମୟ ଶୈବପୀଠ
ମହାଶିବରାତ୍ରୀ ବା ଜାଗର ପାଇଁ ପୁରପଲ୍ଲୀ ଉତ୍ସବ ମୁଖର ହୋଇଛି । କୋରୋନା କଟକଣା ମାନି ଭକ୍ତମାନେ ମହାଦେବଙ୍କୁ ଦର୍ଶନ କରୁଛନ୍ତି । ସେହିପରି ଏକାଦଶ ରୁଦ୍ର ହଟନାଥ ହଟକେଶ୍ବରଙ୍କ ପୀଠରେ ପ୍ରଭୁଙ୍କର ରୀତିନୀତି ଅନୁଯାୟୀ ପୂଜା ଚାଲିଥିବା ବେଳେ କୋରୋନାକୁ ଦୃଷ୍ଟିରେ ରଖି ଏକାଠି ବସି ଦୀପ ଜାଳିବା ଉପରେ କଟକଣା ଲାଗୁ କରିଛି ଜିଲା ପ୍ରଶାସନ ।