ଖୋର୍ଦ୍ଧା ଜଙ୍ଗଲରୁ ଚୋରା ବାଇକ ସହ ଅଫୁଟା ବୋମା ଜବତ

ଖୋର୍ଦ୍ଧାର ଏକ ଜଙ୍ଗଲରୁ ଚୋରା ବାଇକ ସମେତ ଅଫୁଟା ବୋମା ଜବତ । ଅଧିକ ପଢନ୍ତୁ

ଖୋର୍ଦ୍ଧା: ଟାଉନ ଥାନା ପୋଲିସ ଆଜି(ରବିବାର) ଏକ ଜଙ୍ଗଲରୁ ଚୋରା ବାଇକ ସହ ଏକ ଅଫୁଟା ବୋମା ଜବତ କରିଛି । ଏଥିସହ ଅନ୍ୟାନ ଆପତ୍ତିଜନକ ଜିନିଷ ଜବତ କରିଛି ପୋଲିସ । ଏସପି ଅଲେଖ ଚନ୍ଦ୍ର ପହି, ଖୋର୍ଦ୍ଧା ଏସଡିପିଓ ସୁଶୀଲ କୁମାର ମିଶ୍ରଙ୍କ ନିର୍ଦ୍ଦେଶ କ୍ରମେ ଟାଉନ ଥାନା ଇନଚାର୍ଜ ଡ଼ିଏସପି ସଞ୍ଜୟ କୁମାର ପଟ୍ଟନାୟକଙ୍କ ତତ୍ୱାବଧାନରେ ଏସଆଇ ପଦ୍ମଲୋଚନ ବେହରାଙ୍କ ନେତୃତ୍ୱରେ ଜରିପୁଟ ଜଙ୍ଗଲ ମଧ୍ୟରେ ଚଢ଼ାଉ କରାଯାଇଥିଲା ।

ଚଢ଼ାଉ ସମୟରେ ପୋଲିସ ଜଙ୍ଗଲ ମଧ୍ୟରେ ଏକ ଗୃହରୁ ଦୁଇଟି ଜାଲ୍ ନମ୍ବର ପ୍ଲେଟ ଥିବା ବାଇକ, ସ୍କୁଟି, ପାଞ୍ଚ ଟି ଜୀବନ୍ତ ବୋମା ଏବଂ ୫୦୦ ଗ୍ରାମ ଗନ ପାଉଡର ଜବତ କରିଛି । ଯାହାର ଆନୁମାନିକ ମୂଲ୍ୟ ୫୦ ହଜାର ଟଙ୍କା ହେବ ବୋଲି ଜଣାପଡିଛି । ତେବେ ଉକ୍ତ ଘଟଣାରେ ଜରିପୁଟ ଅଞ୍ଚଳର କାଳୁ ସାମନ୍ତରାୟ ଏବଂ ଅନ୍ୟ ବ୍ୟକ୍ତିମାନେ ଜଡ଼ିତ ଥିବା ପୋଲିସ ଜାଣିବାକୁ ପାଇଛି ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ