ଖୋର୍ଦ୍ଧା:ପ୍ରତିଦିନ ଦିଅଁଙ୍କ ପାଖରେ ଲାଗିହୁଏ ଭଳିକି ଭଳି ରଙ୍ଗ ବେରଙ୍ଗର ଫୁଲ । ସେ ଫୁଲ ଭିତରେ କିଛି ସ୍ବତନ୍ତ୍ର ଫୁଲ ଥାଏ ଯାହା ବିରଳ । ଖୋର୍ଦ୍ଧା ଜିଲ୍ଲା ବେଗୁନିଆ ବ୍ଳକ କଣ୍ଟାବାଡ ପଞ୍ଚାୟତ ବାସୁଦେବପୁର ଗ୍ରାମର ମନୋଜ କୁମାର ମହାପାତ୍ରଙ୍କ ଘର ଅଗଣାରେ ତିନୋଟି ବ୍ରହ୍ମକମଳ ଫୁଲ ଫୁଟିଛି । ଏହି ଖବର ଶୁଣିବା ପରେ ମନୋଜଙ୍କ ଘରକୁ ଲୋକଙ୍କ ସୁଅ ଛୁଟିଛି l
ଜଗନ୍ନାଥଙ୍କ ପ୍ରିୟ ପୁଷ୍ପ ବ୍ରହ୍ମକମଳ
ସୂଚନା ଅନୁସାରେ, ଦୀର୍ଘଦିନ ୮ ତଳେ ସିକୋରୁ ଗଛ ଆଣି ତାଙ୍କ ଅଗଣାରେ ଏକ ବ୍ରହ୍ମକମଲ ଫୁଲ ଗଛ ଲଗାଇଥିଲେ । ମନରେ ଆଶା ଥିଲା ଗଛରେ ଯେବେବି ଫୁଲ ଫୁଟିବ ପ୍ରଥମ ଫୁଲ ସେ ପୁରୀ ଜଗନ୍ନାଥଙ୍କୁ ଅର୍ପଣ କରିବେ । ହଠାତ୍ ମଙ୍ଗଳବାର ସନ୍ଧ୍ୟାରେ ଅଗଣାକୁ ଗଲାବେଳେ ଦେଖିଲେ ତିନୋଟି ଫୁଲ ଫୁଟିଛି । ସାଙ୍ଗେ ସାଙ୍ଗେ ସେ ଖୁସିରେ ଭାବ ବିଭୋର ହୋଇ ପଡିଥିଲେ । ପରିବାର ଲୋକେ ଧୂପ ଦୀପ ଦେଇ ଗଛଟିକୁ ପୂଜା ମଧ୍ୟ କରିଥିଲେ ।