ଖୋର୍ଦ୍ଧା:ଲକଡାଉନରେ ମାତିଛନ୍ତି ଗୋରୁ ମାଫିଆ । ଦିନ ହେଉ ବା ରାତି ମାଫିଆଙ୍କର ଚାଲିଛି ବେଧଡକ ବେଆଇନ ଗୋରୁ ଚାଲାଣ କାରବାର । ଖୋର୍ଦ୍ଧା ଜିଲ୍ଲା ବାଣପୁର ଅଞ୍ଚଳରେ ସକ୍ରିୟ ହୋଇଛନ୍ତି ଗୋମାଫିଆ । ବେଆଇନ ଗୋରୁ ଚାଲାଣବେଳେ ଗାଡିକୁ ଜବତ କରିବା ସହିତ ଛଅଟି ଗୋରୁଙ୍କୁ ଉଦ୍ଧାର କରିଛି ନାଚୁଣୀ ଫାଣ୍ଡି ପୋଲିସ ।
ମାତିଛନ୍ତି ଗୋରୁ ମାଫିଆ
ସୂଚନାମୁତାବକ ବାଣପୁର ଆଇଆଇସି ରଶ୍ମିରଞ୍ଜନ ସାହୁଙ୍କ ତତ୍ବାବଧାନରେ ନାଚୁଣୀ ଓ ଗମ୍ଭାରୀମୁଣ୍ଡା ଅଞ୍ଚଳରେ ଚେକିଂ ବ୍ଲକିଂ ଜୋରଦାର ହୋଇଛି । ଏହା ସମୟରେ ଗମ୍ଭାରୀମୁଣ୍ଡା ଆଡୁ ଏକ ଗୋରୁ ବୋଝେଇ ଗାଡ଼ି ସୁନାଖଳା ଅଭିମୁଖେ ଯାଉଥିବାବେଳେ ଜୀବନଦେଇପୁର ଗ୍ରାମ ନିକଟରେ ଗାଡିକୁ ଅଟକାଇଥିଲା ପୋଲିସ । ପୋଲିସକୁ ଦେଖି ଗାଡିଛାଡି ଫେରାର ହୋଇଯାଇଥିଲା । ପୋଲିସ ଉକ୍ତ ଗାଡିରୁ 6ଗୋରୁଙ୍କୁ ଉଦ୍ଧାର କରିଛି ।