ଖୋର୍ଦ୍ଧା: ଜିଲ୍ଲାରେ ଦିନକୁ ଦିନ ବଢୁଛି କୋରୋନା ସଂକ୍ରମିତଙ୍କ ସଂଖ୍ୟା । ଏହାକୁ ଦୃଷ୍ଟିରେ ରଖି ରବିବାରଠୁ ଖୋର୍ଦ୍ଧା ଜିଲ୍ଲା ମୁଖ୍ୟ ଚିକିତ୍ସାଳୟରେ ଆରମ୍ଭ ହୋଇଛି ରାପିଡ୍ ଟେଷ୍ଟ । ଏହି ଟେଷ୍ଟ ଦ୍ବାରା ସଂକ୍ରମିତ ଲୋକଙ୍କ ସମ୍ପର୍କରେ ଖୁବ୍ ଶୀଘ୍ର ଜଣାପଡିବ । ଏଥିସହ ସେମାନଙ୍କୁ ଅଲଗା ରଖି ଚିକିତ୍ସା ଆରମ୍ଭ କରାଯିବ ।
ପ୍ରାଥମିକ ପର୍ଯ୍ୟାୟରେ 150 କିଟ୍ ହସ୍ପିଟାଲକୁ ଆସିଥିବା ବେଳେ ଆଗାମୀ ଦିନରେ ଅଧିକ କିଟ୍ ଅଣାଯିବ । ସବୁଠାରୁ ଗୁରୁତ୍ବପୂର୍ଣ୍ଣ ବିଷୟ ଯେ ମାତ୍ର ଏକ ଘଣ୍ଟା ମଧ୍ୟରେ ଏହି କିଟ୍ ସହାୟତାରେ କୋରୋନା ରିପୋର୍ଟ ଆସିବ । ଏହାସହ ହସ୍ପିଟାଲକୁ ଆସୁଥିବା ରୋଗୀଙ୍କ ଠାରେ କୋରୋନା ଆଶଙ୍କା କରାଗଲେ ସେମାନଙ୍କର ମଧ୍ୟ ତୁରନ୍ତ ଟେଷ୍ଟ କରାଯାଇଛି ।
ଏକ ଘଣ୍ଟାରେ ମିଳିବ କୋରୋନା ରିପୋର୍ଟ: ଜିଲ୍ଲା ମୁଖ୍ୟ ହସ୍ପିଟାଲରେ ରାପିଡ ଟେଷ୍ଟ