ଗୋରୁ ବୋଝେଇ କଣ୍ଟେନର ଜବତ; 6 ମୃତ, ଡ୍ରାଇଭର ଅଟକ

ଖୋର୍ଦ୍ଧା ସଦର ଥାନା ଦଳେଇପୁଟ ପେଟ୍ରୋଲ ପମ୍ପ ନିକଟରେ ଗୋରୁ ବୋଝେଇ କଣ୍ଟେନର ଜବତ । ଡ୍ରାଇଭର ଅଟକ । ଅଧିକ ପଢନ୍ତୁ...

ଖୋର୍ଦ୍ଧା: ସଦର ଥାନା ଦଳେଇପୁଟ ପେଟ୍ରୋଲ ପମ୍ପ ନିକଟରେ ଗୋରୁ ବୋଝେଇ କଣ୍ଟେନର ଜବତ ହୋଇଛି । ରାତିରେ ପୋଲିସ ପାଟ୍ରୋଲିଂ କରୁଥିବା ସମୟରେ ଏହି କଣ୍ଟେନରକୁ ଜବତ କରିଛି । ଗୋରୁଙ୍କୁ ଗାଡିରୁ ଓହ୍ଲାଇ ଦିଆଯାଇଛି ।

ଗାଡିରେ ଅତି ଅମାନୁଷିକ ଭାବେ ଗୋରୁ ଚାଲାଣ ହେଉଥିବା ଦେଖିବାକୁ ମିଳିଛି । ଫଳରେ ଏଥିରେ 40ରୁ ଅଧିକ ଗୋରୁ ଥିବାବେଳେ 6 ଗୋରୁଙ୍କର ମୃତ୍ୟୁ ଘଟିଛି । ଅନେକ ଗୋରୁ ଆହତ ମଧ୍ୟ ହୋଇଛନ୍ତି ।

ପୋଲିସ କଣ୍ଟେନର ଡ୍ରାଇଭରକୁ ଅଟକ ରଖି ତଦନ୍ତ କରୁଛି । ସେପଟେ ଏଘଟଣା ପରେ ଗୋ-ଚାଲାଣ ରାକେଟକୁ ଧରିବା ସହିତ ଗୋରୁ ବ୍ୟବସାୟ ବନ୍ଦ କରିବାକୁ ଦାବି କରିଛନ୍ତି ଲୋକେ । ତେବେ ବ୍ରହ୍ମପୁରରୁ ଗୋରୁଗୁଡିକ କୋଲକାତା ଚାଲାଣ ହେଉଥିବା ସୂଚନା ମିଳିଛି ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ