ଖୋର୍ଦ୍ଧା: ପ୍ରଶାସନକୁ ଲୋକମାନଙ୍କର ନିକଟତର କରାଇବା ପାଇଁ ପ୍ରତି ସୋମବାର ବିଭିନ୍ନ ବ୍ଲକ ମାନଙ୍କରେ ଜିଲ୍ଲାପାଳଙ୍କର ଜନଶୁଣାଣି କାର୍ଯ୍ୟକ୍ରମ ହେଉଛି । ସେହିଭଳି ଗତ ସୋମବାର ଖୋର୍ଦ୍ଧା ଜିଲ୍ଲା ବେଗୁନିଆ ବ୍ଲକ ରାଜୀବ ଗାନ୍ଧୀ ସେବା କେନ୍ଦ୍ରରେ ଜିଲ୍ଲାପାଳଙ୍କର ଜନଶୁଣାଣି ଅନୁଷ୍ଠିତ ହୋଇଛି ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
କିନ୍ତୁ ବିଡ଼ମ୍ବନାର ବିଷୟ ସକାଳ 10ଟା ସମୟରୁ ଜିଲ୍ଲାପାଳଙ୍କୁ ନିଜ ଅଭିଯୋଗ ଜଣାଇବା ପାଇଁ ଦିନ 2ଟା ପର୍ଯ୍ୟନ୍ତ ଅପେକ୍ଷା କରିଥିଲେ ମଧ୍ୟ ଜିଲ୍ଲାପାଳ କିମ୍ବା ବ୍ଲକ ପ୍ରଶାସନ କେହି ସେମାନଙ୍କ ଗୁହାରି ଶୁଣିନଥିବା ଅଭିଯୋଗ ଆସିଛି । ଆଭିଯୋଗ କରିଛନ୍ତି କଣ୍ଟାବାଡ଼ ପଞ୍ଚାୟତର ମଲିପଦର, ବାସୁଦେବପୁର ଓ କାନପୁର ଗ୍ରାମରୁ ଆସିଥିବା ଅଭିଯୋଗକାରୀ । ଆଶ୍ଚର୍ଯ୍ୟର କଥା ଜିଲ୍ଲାପାଳ ଚାଲି ଯିବାପରେ ଯେମିତି ବ୍ଲକ ପ୍ରଶାସନର ଅଧିକାରୀମାନଙ୍କୁ ମଧ୍ୟ ଦେଖିବାକୁ ମିଳିନଥିଲା । ଫଳରେ ଜିଲ୍ଲାପାଳଙ୍କୁ ଦୁଃଖ ଜଣାଇ ନପାରି ନିରାଶ ହୋଇ ଫେରିବାକୁ ପଡିଥିଲା ସେମାନଙ୍କୁ ।