CMIE Survey Report: ଜବାବ ମାଗିଲା ରାଜ୍ୟ ବିଜେପି ଯୁବ ମୋର୍ଚ୍ଚା, କହିଲା ତଥ୍ୟ ଅତ୍ୟନ୍ତ ହାସ୍ୟାସ୍ପଦ

ବିଜେପି ଯୁବ ମୋର୍ଚ୍ଚା ସଭାପତି ଇରାଶିଷ ଆଚାର୍ଯ୍ୟ କହିଛନ୍ତି, ଏହା ଏକ ପ୍ରାୟୋଜିତ ସର୍ଭେ । ମୁଖ୍ୟମନ୍ତ୍ରୀ କାଚ ଘରେ ବସି ପ୍ରାୟୋଜିତ ସର୍ଭେ କରି ବାହା ବାହା ନନେଇ ବାହାରକୁ ଆସନ୍ତୁ । ଆଉ କେବେ ନିଯୁକ୍ତି ଦେବେ ବେକାର ଯୁବକ ଯୁବତୀ ମାନଙ୍କୁ କୁହନ୍ତୁ । ଅଧିକ ପଢନ୍ତୁ

ଭୁବନେଶ୍ବର: ସେଣ୍ଟର ଫର ମନିଟରିଂ ଇଣ୍ଡିଆନ ଇକୋନୋମି (CMIE) ଗତ ଡିସେମ୍ବର ପାଇଁ ଜାରି କରିଥିବା ରାଜ୍ୟର ବେକାରୀ ତଥ୍ୟକୁ ନେଇ ଏବେ ରାଜ୍ୟରେ ରାଜନୀତି ଜୋରଦାର । ସିଏମଆଇଇ ରିପୋର୍ଟ ଅନୁସାରେ ସର୍ବନିମ୍ନ ବେକାରୀ ଓଡ଼ିଶାର ବୋଲି ଦର୍ଶାଯାଇଛି। ଏହି ପ୍ରସଙ୍ଗରେ ଆଜି ରାଜ୍ୟ ବିଜେପି ଯୁବ ମୋର୍ଚ୍ଚା ରାଜ୍ୟ ସରକାରଙ୍କୁ ଟାର୍ଗେଟ କରିଛି ।

ବିଜେପି ଯୁବ ମୋର୍ଚ୍ଚା ସଭାପତି ଇରାଶିଷ ଆଚାର୍ଯ୍ୟ କହିଛନ୍ତି, ‘‘ଏହା ଏକ ପ୍ରାୟୋଜିତ ସର୍ଭେ । ମୁଖ୍ୟମନ୍ତ୍ରୀ କାଚ ଘରେ ବସି ପ୍ରାୟୋଜିତ ସର୍ଭେ କରି ବାହା ବାହା ନନେଇ ବାହାରକୁ ଆସନ୍ତୁ । ଆଉ କେବେ ନିଯୁକ୍ତି ଦେବେ ବେକାର ଯୁବକ ଯୁବତୀ ମାନଙ୍କୁ କୁହନ୍ତୁ । ରାଜ୍ୟରେ ବେକାରୀ କମିବା ନେଇ ସିଏମଆଇଇର ସର୍ଭେ ରିପୋର୍ଟ ର ତଥ୍ୟ ଅତ୍ୟନ୍ତ ହାସ୍ୟାସ୍ପଦ ଆଉ ଳଜ୍ଜ୍ୟାଜନକ । ବିଧାନସଭାରେ ନିଜେ ରାଜ୍ୟ ସରକାରଙ୍କ ବୈଷୟିକ ମନ୍ତ୍ରୀ ପ୍ରୀତିରଞ୍ଜନ ଘଡାଇ ଉତ୍ତର ରଖିଥିଲେ ଓଡ଼ିଶାରେ ପ୍ରାୟ 8 ଲକ୍ଷ 80 ହଜାର 175 ଜଣ ବେକାର ଯୁବକ ଯୁବତୀ ନାମ ପଞ୍ଜୀକରଣ କରିଛନ୍ତି ଏମପ୍ଲୟମେଣ୍ଟ ଅଫିସରେ ।’’

ପାଖାପାଖି 9 ଲକ୍ଷ ପୁଞ୍ଜି ମେକ ଇନ ଓଡିଶାରେ 2016 ରୁ 2018 ଭିତରେ ଆସିବାର ଥିଲା । 6 ଲକ୍ଷ ପୁଞ୍ଜିନିବେଶ ଆଉ 7 ଲକ୍ଷ ନିଯୁକ୍ତି ହେବ ବୋଲି କହିଥିଲେ । ହେଲେ 5 ହଜାର 600 କୋଟି ପୁଞ୍ଜିନିବେଶ ହେଲା ଆଉ ମାତ୍ର 5 ହଜାର 800 ନିଯୁକ୍ତି ହେଲା । ଓଡ଼ିଶାରେ ଏବେ ବି 2 ଲକ୍ଷ ପଦବୀ ଖାଲି ପଡ଼ିଛି । ଆଉ ଏନସିଆରବି ତଥ୍ୟ କହୁଛି ପ୍ରତି 100 ରେ ଆତ୍ମହତ୍ୟାର ସଂଖ୍ୟା 9 ଜଣ ବେରୋଜଗାର କାରଣରୁ ଆତ୍ମହତ୍ୟା କରୁଛନ୍ତି । ତେଣୁ ମୁଖ୍ୟମନ୍ତ୍ରୀ କାଚ ଘରେ ବସି ପ୍ରାୟୋଜିତ ସର୍ଭେ କରି ବାହା ବାହା ନନେଇ ବାହାରକୁ ଆସନ୍ତୁ । ନିଜେ ତର୍ଜମା କରନ୍ତୁ। ଆଉ କେବେ ନିଯୁକ୍ତି ଦେବେ ବେକାର ଯୁବକଯୁବତୀ ମାନଙ୍କୁ କୁହନ୍ତୁ ବୋଲି ଦାବି କରିଛନ୍ତି ଇରାଶିଷ ।

ଇଟିଭି ଭାରତ, ଭୁବନେଶ୍ବର