ଭୁବନେଶ୍ବର: 19ତମ ଏସୀୟ କ୍ରୀଡାରେ ପଦକ ଜିତିଥିବା ଓଡିଆ ହକି ଖେଳାଳିଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସମ୍ବର୍ଦ୍ଧିତ ଓ ପୁରସ୍କୃତ କରିଛନ୍ତି । ଭାରତୀୟ ପୁରୁଷ ହକି ଦଳର ସ୍ବର୍ଣ୍ଣ ପଦକ ବିଜେତା ଅମିତ ରୋହିଦାସ ଓ ମହିଳା ହକି ଦଳର ଦୀପଗ୍ରେସ ଏକ୍କାଙ୍କୁ ସମ୍ବର୍ଦ୍ଧିତ କରିଛନ୍ତି ମୁଖ୍ୟମନ୍ତ୍ରୀ । ଅମିତଙ୍କୁ 1.5 କୋଟି ଓ କାଂସ୍ୟ ପଦକ ବିଜେତା ଦୀପଗ୍ରେସଙ୍କୁ 50 ଲକ୍ଷ ଟଙ୍କା ଆର୍ଥିକ ପୁରସ୍କାର ପ୍ରଦାନ କରିଛନ୍ତି । ଦୁଇ ଖେଳାଳିଙ୍କ ଉଲ୍ଲେଖନୀୟ ପ୍ରଦର୍ଶନ ରାଜ୍ୟକୁ ଗର୍ବିତ କରିଥିବା କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
ଅମିତ ଓ ଦୀପଗ୍ରେସଙ୍କୁ ଅର୍ଥ ପୁରସ୍କାର ସହ ମୁଖ୍ୟମନ୍ତ୍ରୀଙ୍କ ସମ୍ବର୍ଦ୍ଧନା ଏସୀୟ କ୍ରୀଡ଼ାରେ ଭାରତୀୟ ପୁରୁଷ ହକି ଦଳ ସ୍ବର୍ଣ୍ଣିମ ସଫଳତା ହାସଲ କରିଥିଲା । ଡିଫେଣ୍ଡିଂ ଚମ୍ପିଆନ ଜାପାନକୁ ହରାଇ ସ୍ବର୍ଣ୍ଣ ପଦକ ଜିତିଥିଲା । ଅମିତ ରୋହିଦାସ ଏହି ମ୍ୟାଚରେ ଏକ ଗୋଲ ସ୍କୋର କରିଥିଲେ । ଅମିତ ଭାରତୀୟ ପୁରୁଷ ହକି ଦଳର ନିୟମିତ ଓ ନିର୍ଭରଯୋଗ୍ୟ ଖେଳାଳୀ । ସେହିପରି ଦୀପଗ୍ରେସ ଏକ୍କା ବିଶ୍ଵ ହକିର ଷ୍ଟାର ଖେଳାଳୀ ଭାବେ ପରିଚିତ । ରାଜ୍ୟର ମହିଳା କ୍ରୀଡ଼ାବିତଙ୍କ ପାଇଁ ସେ ପ୍ରେରଣାର ଉତ୍ସ । ଏସୀୟ କ୍ରୀଡାରେ ବ୍ରୋଞ୍ଜ ପଦକ ହାସଲ କରିଥିଲା ମହିଳା ହକି ଦଳ ।
ଅମିତ ଓ ଦୀପଗ୍ରେସଙ୍କୁ ଅର୍ଥ ପୁରସ୍କାର ସହ ମୁଖ୍ୟମନ୍ତ୍ରୀଙ୍କ ସମ୍ବର୍ଦ୍ଧନା ଏହା ବି ପଢନ୍ତୁ...ଅମିତ ରୋହିଦାସଙ୍କୁ ଦେଢ଼ କୋଟି ପୁରସ୍କାର ଘୋଷଣା କଲେ ମୁଖ୍ୟମନ୍ତ୍ରୀ, ଏସିଆନ୍ ଗେମ୍ସରେ ଜାପାନକୁ ଦେଇଥିଲେ ଗୋଲ
ନବୀନ ନିବାସରେ ଆୟୋଜିତ ଏହି ସମ୍ବର୍ଦ୍ଧନା ଉତ୍ସବରେ ଦୁଇ ହକି ଖେଳାଳିଙ୍କୁ ସମ୍ବର୍ଦ୍ଧନା କରାଯାଇଛି । ସେମାନଙ୍କ ପ୍ରତିବଦ୍ଧତା ଏବଂ ପରିଶ୍ରମ ପାଇଁ ଉଭୟ ଖେଳାଳିଙ୍କୁ ଅଭିନନ୍ଦନ ଜଣାଇଛନ୍ତି ମୁଖ୍ୟମନ୍ତ୍ରୀ । ଉଭୟ ଅମିତ ରୋହିଦାସ ଏବଂ ଦୀପ ଗ୍ରେସ ଏକ୍କା ଏହି ସମ୍ମାନ ପାଇଁ କୃତଜ୍ଞତା ଜଣାଇଛନ୍ତି । ସେମାନଙ୍କ କ୍ରୀଡ଼ା ସଫଳତା ଦ୍ୱାରା ଓଡ଼ିଶା ଏବଂ ଦେଶ ପାଇଁ ଅଧିକ ଗୌରବ ଆଣିବାକୁ କଠିନ ପରିଶ୍ରମ ଜାରି ରଖିବୁ ବୋଲି ଉଭୟ କହିଛନ୍ତି ।
ଏହା ବି ପଢନ୍ତୁ...Asian Games: ଦୀପଗ୍ରେସ ଏକ୍କାଙ୍କୁ ୫୦ ଲକ୍ଷ ପୁରସ୍କାର ଘୋଷଣା କଲେ ମୁଖ୍ୟମନ୍ତ୍ରୀ, କହିଲେ ଯୁବପିଢିଙ୍କ ରୋଲ ମଡେଲ୍
ପ୍ରକାଶ ଥାଉ କି, ଚୀନର ହଙ୍ଗଝୌରେ ସଦ୍ୟ ସମାପ୍ତ 19ମ ଏସୀୟ କ୍ରୀଡ଼ାରେ ଭାରତୀୟ ପୁୁରୁଷ ହକି ଦଳ ଡିଫେଣ୍ଡିଂ ଚମ୍ପିଆନ୍ ଜାପାନକୁ ୫-୧ ଗୋଲରେ ମାତ୍ ଦେଇ ସ୍ବର୍ଣ୍ଣ ପଦକ ହାସଲ କରିଥିଲା । ଏହି ମ୍ୟାଚ୍ରେ ଅମିତ ରୋହିଦାସ ଏକ ଗୋଲ୍ କରିଥିଲେ । ଭାରତୀୟ ଦଳର ସଫଳତା ପରେ ମୁଖ୍ୟମନ୍ତ୍ରୀ ପ୍ରତି ଖେଳାଳିଙ୍କୁ ପୁରସ୍କାର ରାଶି ସହ ଘୋଷଣା ଅମିତ ରୋହିଦାସଙ୍କୁ ଦେଢ଼ କୋଟି ଟଙ୍କା ପୁରସ୍କାର ରାଶି ଘୋଷଣା କରିଥିଲେ । ସେହିପରି ମହିଳା ହକି ଦଳ ଏସୀୟ କ୍ରୀଡ଼ାରେ ବ୍ରୋଞ୍ଜ ପଦକ ହାସଲ କରିଥିଲା । ଦୀପଗ୍ରେସ ଏକ୍କାଙ୍କୁ 50 ଲକ୍ଷ ଟଙ୍କାର ପୁରସ୍କାର ରାଶି ଘୋଷଣା କରିଥିଲେ ମୁଖ୍ୟମନ୍ତ୍ରୀ । ଏସୀୟ କ୍ରୀଡ଼ାରେ ମୋଟ 3 ଓଡ଼ିଆ ପଦକ ହାସଲ କରିଥିଲେ । ଅମିତ, ଦୀପଗ୍ରେସଙ୍କ ବ୍ୟତୀତ ଜାଭେଲିନ ଥ୍ରୋରେ କିଶୋର ଜେନା ରୌପ୍ୟ ପଦକ ଜିତିଥିଲେ । କିଶୋରଙ୍କୁ 1.5କୋଟ ଟଙ୍କା ପୁରସ୍କାର ରାଶି ଘୋଷଣା କରିଥିଲେ ମୁଖ୍ୟମନ୍ତ୍ରୀ ।
ଇଟିଭି ଭାରତ, ଭୁବନେଶ୍ବର
