ଖୋର୍ଦ୍ଧା:ଲଘୁଚାପଜନିତ ବର୍ଷାରେ ସାରା ଓଡିଶାରେ ନାହିଁ ନଥିବା ପରିସ୍ଥିତି ସୃଷ୍ଟି ହୋଇଛି । ଆଉ ଲଗାଣ ଲଘୁଚାପ ବର୍ଷା ଯୋଗୁଁ ଅଶାନ୍ତ ହୋଇଛି ଚିଲିକା ହ୍ରଦ । ଆଉ କୂଳ ଲଙ୍ଘି ମାଡୁ ଆସିଛି ଲଗାଣ ବର୍ଷା ପାଣି । ତେବେ ହ୍ରଦ ଭିତରେ ବୁଡ଼ାଇ ଦେଇଛି ଶହ ଶହ ମତ୍ସଜୀବୀଙ୍କ ଡ଼ଙ୍ଗା । ଏଭଳି ଦୃଶ୍ୟ ଦେଖିବାକୁ ମିଳୁଛି ଖୋର୍ଦ୍ଧା ଜିଲ୍ଲା ଚିଲିକା ବ୍ଲକ ଅନ୍ତର୍ଗତ ଜରିପଡା ପଞ୍ଚାୟତ ଜଗନ୍ନାଥପୁର ଗ୍ରାମରେ । ଚିଲିକା ଉପକୂଳବର୍ତ୍ତୀ ଅଞ୍ଚଳର କେତେକ ଘର ଭିତରେ ପଶିଛି ପାଣି । ପରିସ୍ଥିତି ଏପରି ହୋଇଛି ଯେ ହଜାର ହଜାର ଲୋକ ଜଳବନ୍ଦୀ ହୋଇ ରହିଛନ୍ତି ।
ଲଗାଣ ବର୍ଷାରେ ଫୁଲିଲା ଚିଲିକା: ବୁଡ଼ିଲା ଶହ ଶହ ଡ଼ଙ୍ଗା, ଜଳବନ୍ଦୀରେ ଗ୍ରମବାସୀ
ସେପଟେ ବର୍ଷା ଥମିବାର ନାଁ ଧରୁ ନ ଥିବାବେଳେ ବେଶୀ ଆତଙ୍କିତ ଅବସ୍ଥାରେ ଅଛନ୍ତି ଚିଲିକା ଉପକୂଳବାସୀ । ଗାଁ ଦାଣ୍ଡରେ ଚିଲିକା ଏବଂ ନଈ ପାଣି ଲହଡି ମାରିବା ସହ ପରିସ୍ଥିତି ଭୟଙ୍କର ହେବାର ଲାଗିଛି । ତେବେ ଗ୍ରାମବାସୀ ଆତଙ୍କିତ ହୋଇ ରହିଥିବାବେଳେ ହଜାର ହଜାର ଲୋକ ଜଳବନ୍ଦୀ ହୋଇ ରହିଛନ୍ତି ।