ନିଆଳି: ସାରା ଦେଶ ପାଳୁଛି ନଭେମ୍ବର 14 ତାରିଖ ଶିଶୁ ଦିବସ । ଏହି ଦିନଟି ଖାସ୍ କରି ପିଲାଙ୍କ ପାଇଁ ଉଦ୍ଧିଷ୍ଟ । ଭାରତର ପ୍ରଥମ ପ୍ରଧାନମନ୍ତ୍ରୀ ପଣ୍ତିତ ଜବାହାରଲାଲ ନେହେରୁଙ୍କ ଜୟନ୍ତୀ । ଏହି ଅବସରରେ ରାଜ୍ୟର ବିଭିନ୍ନ ସ୍ଥାନରେ ଶିଶୁ ଦିବସକୁ ପାଳନ କରାଯାଇଛି । ଏହି କ୍ରମରେ ଖୋର୍ଦ୍ଧା ଜିଲ୍ଲା ବାଲିପାଟଣା ବ୍ଲକ ଆଳିଶି ଶାସନ ପଞ୍ଚାୟତସ୍ଥିତ ଭୈରପୁର ଶ୍ରୀଜଗନ୍ନାଥ ବିଦ୍ୟାପୀଠ ଓ ସରକାରୀ ପ୍ରାଥମିକ ବିଦ୍ୟାଳୟ ପକ୍ଷରୁ ଶିଶୁ ମହୋତ୍ସବ 'ଶିଶୁ ମହକ' କାର୍ଯ୍ୟକ୍ରମ ଅନୁଷ୍ଠିତ ହୋଇଛି ।
ସୂଚନା ଅନୁସାରେ, ଶିଶୁ ଦିବସ ଅବସରରେ ଖୋର୍ଦ୍ଧା ଜିଲ୍ଲା ବାଲିପାଟଣା ବ୍ଲକ ଆଳିଶି ଶାସନ ପଞ୍ଚାୟତସ୍ଥିତ ଭୈରପୁର ଶ୍ରୀଜଗନ୍ନାଥ ବିଦ୍ୟାପୀଠ ଓ ସରକାରୀ ପ୍ରାଥମିକ ବିଦ୍ୟାଳୟ ପକ୍ଷରୁ ଛାତ୍ରଛାତ୍ରୀଙ୍କ ଭବିଷ୍ୟତ ଲାଗି ଅତି ଶିକ୍ଷଣୀୟ କାର୍ଯ୍ୟକ୍ରମ କରାଯାଇଥିଲା । ଶିଶୁ ମହକ କାର୍ଯ୍ୟକ୍ରମରେ ଅନେକ ଶିକ୍ଷାବିତ୍, ଆଇନଜୀବୀ, ପୋଲିସ ଅଧିକାରୀ, ବ୍ୟଙ୍ଗକବି ଏବଂ ରାଜନେତା ପ୍ରମୁଖ ଅତିଥି ଭାବରେ ଯୋଗ ଦେଇଥିଲେ । ଶିଶୁ ଦିବସ ହେଉଛି କୁନି କୁନି ପିଲାମାନଙ୍କ ଲାଗି ଏକ ଖାସ ଦିନ ବୋଲି ଅତିଥିମାନେ ମତବ୍ୟକ୍ତ କରିଥିଲେ ।
ଏହା ମଧ୍ୟ ପଢ଼ନ୍ତୁ:ଗୁରୁକୃପା ସରସ୍ବତୀ ଶିଶୁ ମନ୍ଦିରରେ ଶିଶୁ ଦିବସ, ବିଭିନ୍ନ ବେଶରେ ନଜର ଆସିଲେ ପିଲାଏ