ଖୋର୍ଦ୍ଧା:ଜିଲ୍ଲାରେ ଦିନକୁ ଦିନ ବୃଦ୍ଧି ପାଇବାରେ ଲାଗିଛି ବ୍ରାଉନସୁଗାର କାରବାର ( Brown sugar business ) । ଯାହା ଏବେ STF ଏବଂ ଖୋର୍ଦ୍ଧା ପୋଲିସ ପାଇଁ ମୁଣ୍ଡବିନ୍ଧାର କାରଣ ପାଲଟିଛି । ଗତକାଲି ପୁଣି ୫ ଲକ୍ଷ ଟଙ୍କାର ବ୍ରାଉନସୁଗାର ଜବତ କରିବା ସହ ୩ଜଣଙ୍କୁ ଟାଉନ ଥାନା ପୋଲିସ ଗିରଫ କରିଛି । ଗିରଫ ଅଭିଯୁକ୍ତ ହେଉଛନ୍ତି ଭାଲିଆବାଡ଼ି ଅଞ୍ଚଳର ସୋମନାଥ ବରାଳ ଓ ଅବିନାଶ ପାତ୍ର । ଅନ୍ୟ ଜଣେ ହେଉଛନ୍ତି ସାମନ୍ତରାପୁର ଅଞ୍ଚଳର ମହେନ୍ଦ୍ର ବେହେରା ବୋଲି ଜଣାପଡିଛି । ।
Khordha News ; ୫ ଲକ୍ଷ ଟଙ୍କାର ବ୍ରାଉନସୁଗାର ଜବତ, ତିନି ଅଭିଯୁକ୍ତ ଗିରଫ ମିଳିଥିବା ସୂଚନାଅନୁଯାୟୀ, ସ୍ଥାନୀୟ ବିଡିଏ କଲୋନୀରେ ବ୍ରାଉନସୁଗାର ବେପାର ହେଉଥିବା ଏକ ବିଶେଷସୁତ୍ରରୁ ଖବର ପାଇଥିଲା ଟାଉନ ଥାନା ପୋଲିସ । ଏହାପରେ SDPO ସୁଶୀଲ ମିଶ୍ର ଏବଂ ଟାଉନ ଥାନା ଅଧିକାରୀ ସଞ୍ଜୟ ପଟ୍ଟନାୟକଙ୍କ ନିର୍ଦ୍ଦେଶରେ ପୋଲିସର ଏକ ଟିମ ଉକ୍ତ ସ୍ଥାନରେ ଚଢାଉ କରିଥିଲା । ବ୍ରାଉନସୁଗାର କାରବାର ନେଇ ୩ଜଣଙ୍କୁ ଗିରଫ (3 arrested in khordha) କରିବା ସହ ସେମାନଙ୍କ ନିକଟରୁ ୫ ଲକ୍ଷ ଟଙ୍କାର ବ୍ରାଉନସୁଗାର, ୫ଟି ଦାମି ବାଇକ ଯାହାର ଆନୁମାନିକ ମୂଲ୍ୟ ୮ଲକ୍ଷ ଟଙ୍କାରୁ ଉର୍ଦ୍ଧ୍ବ ତିନୋଟି ଦାମୀ ମୋବାଇଲ ଓ ନଗଦ ୧ଲକ୍ଷ ୭୦୦ ଟଙ୍କା ଜବତ କରିଛି ପୋଲିସ ।
ଖୋର୍ଦ୍ଧାରୁ ଗୋବିନ୍ଦଚନ୍ଦ୍ର ପଣ୍ଡା, ଇଟିଭି ଭାରତ
