ଖୋର୍ଦ୍ଧା: ଏଣିକି ସାବାଡ ହେବେ ଅପରାଧୀ । ଖୋର୍ଦ୍ଧା ଜିଲ୍ଲାକୁ ନିଶା ଓ ଅପରାଧ ମୁକ୍ତ କରିବା ପାଇଁ ପୋଲିସ ପକ୍ଷରୁ ଆରମ୍ଭ ହୋଇଛି ‘ଅପରେସନ ଖୋର୍ଦ୍ଧା କ୍ଲିନ’ । ଏହି କ୍ରମରେ ଜିଲ୍ଲା ଉପରେ କଡା ନଜର ରଖିଛି ଖୋର୍ଦ୍ଧା ପୋଲିସ । ପୁଣି ଧରାପଡିଲେ ବ୍ରାଉନସୁଗାର ବେପାରୀ । ଆଦର୍ଶ ଥାନା ପୋଲିସ ବିଶ୍ବସ୍ତ ସୂତ୍ରରୁ ଖବର ପାଇ ଖୋର୍ଦ୍ଧା ସ୍ବପନେଶ୍ବର ମନ୍ଦିର ନିକଟରେ ଚଢ଼ାଉ କରିଥିଲା । ଫଳରେ ଦୁଇ ଅଭିଯୁକ୍ତଙ୍କ ଠାରୁ 14 ଗ୍ରାମର ବ୍ରାଉନସୁଗାର ଜବତ କରାଯାଇଛି ।
ଦୁଇ ଅଭିଯୁକ୍ତକୁ ଗିରଫ କରି କୋର୍ଟଚାଲାଣ କରିଛି ଖୋର୍ଦ୍ଧା ପୋଲିସ । ଅଭିଯୁକ୍ତମାନେ ହେଲେ ଭୁବନେଶ୍ବର ନୟାପଲି ଥାନା ଅଞ୍ଚଳର ଟି.ରାଜେଶ କୁମାର ପାତ୍ର ଏବଂ ଖୋର୍ଦ୍ଧା ସଦର ଥାନା ଟାଙ୍ଗିସାହିର ମହେଶ୍ବର ସାହୁ । ସେମାନଙ୍କ ନିକଟରୁ ପୋଲିସ 14 ଗ୍ରାମର ବ୍ରାଉନସୁଗାର, ନଗଦ 1 ହଜାର 115 ଟଙ୍କା ଏବଂ ଗୋଟେ ମୋଟର ସାଇକେଲ ଜବତ କରିଛି । ଜବତ ବ୍ରାଉନସୁଗାରର ଆନୁମାନିକ ମୂଲ୍ୟ ପ୍ରାୟ 1 ଲକ୍ଷ 40 ହଜାର ଟଙ୍କା ହେବ ବୋଲି ଜଣାପଡିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ