ବିଚ୍ ରାସ୍ତାରେ ଭଉଣୀକୁ ପିଟିଲା ଭାଇ, ଭାଇକୁ କାବୁ କରି ପୋଲିସକୁ ଦେଲେ ଲୋକେ

ଭାଇ ଭାଉଜଙ୍କ ପାରିବାରିକ କଳିରେ ହସ୍ତକ୍ଷେପ କରିବାରୁ ବିଚ ରାସ୍ତାରେ ଉଭଣୀକୁ ପିଟିଲା ଭାଇ । ଅଧିକ ପଢନ୍ତୁ

ନିଆଳି:ବିଚ ରାସ୍ତାରେ ଭଉଣୀକୁ ପିଟିଲା ଭାଇ । ଅତି ନିଷ୍ଠୁର ଭାବେ ଉଭଣୀକୁ ପିଟି ଚାଲିଥିଲା ଭାଇ । ସ୍ଥାନୀୟ ଲୋକ ଭାଇକୁ କାବୁ କରି ପୋଲିସ ଜିମା ହେଇଛନ୍ତି । ଭାଇ ଭାଉଜଙ୍କ ପାରିବାରିକ କଳିରେ ପସିବାକୁ ଭଉଣୀକୁ ବିଚ ରାସ୍ତାରେ ପିଟିଛି ଭାଇ । ଖୋର୍ଦ୍ଧା ଜିଲ୍ଲା ବାଲିପାଟଣା ଅଞ୍ଚଳରେ ଏପରି ଅଭାବନୀୟ ଘଟଣା ଘଟିଛି । ସ୍ଥାନୀୟ ଲୋକ ଆହତ ମହିଳାଙ୍କୁ ହସ୍ପିଟାଲରେ ଭର୍ତ୍ତି କରିଛନ୍ତି ।

ପୋଲିସ ଠାରୁ ମିଳିଥିବା ସୂଚନା ଅନୁସାରେ ଭାଇ ଭାଉଜଙ୍କ ପାରିବାରିକ କଳିରେ ହସ୍ତକ୍ଷେପ କରିବାରୁ ଭଉଣୀକୁ ବିଚ ରାସ୍ତାରେ ଭାଇ ପିଟିଛି ଭାଇ । ସ୍ଥାନୀୟ ଲୋକ ଭଉଣୀକୁ ଉଦ୍ଧାର କରି ବାଲିପାଟଣା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ପଠାଇବା ସହିତ ଭାଇକୁ ଥାନାରେ ଜିମା ଦେଇଛନ୍ତି । ଖୋର୍ଦ୍ଧା ଜିଲ୍ଲା ବାଲିପାଟଣା ଥାନା ଅନ୍ତର୍ଗତ ବନମାଳିପୁର ସ୍ଥିତ ନରଣପୁର ଗ୍ରାମର କାଳନ୍ଦୀ ପରିଡାଙ୍କ ପୁଅ ରଘୁ ପରିଡା (୩୦) କେନ୍ଦ୍ରାପଡ଼ା ଜିଲ୍ଲାର ହଳଦିଡିହ ଗ୍ରାମର ସୁଭଦ୍ରା ପରିଡା (୨୫)ଙ୍କୁ ଛଅ ବର୍ଷ ତଳେ ପ୍ରେମ ବିବାହ କରିଥିଲେ । ରଘୁଙ୍କ ୫ ବର୍ଷ ବୟସର ଗୋଟେ ଝିଅ ମଧ୍ୟ ଅଛି । ରଘୁ ଏବଂ ସୁଭଦ୍ରାଙ୍କର ୬ ମାସ ତଳେ କୌଣସି କାରଣରୁ ମନୋମାଳିନ୍ୟ ଘଟିବାରୁ ରଘୁ ତାଙ୍କ ସ୍ତ୍ରୀକୁ ନେଇ ବାପ ଘରେ ଛାଡ଼ି ଚାଲି ଆସିଥିଲେ ।

ଆଜି ରଘୁକୁ ନପଚାରି ରଘୁର ଭଉଣୀ ମଧୁସ୍ମିତା ଜେନା (୩୫) ଯିଏକି ରଘୁଙ୍କ ଶ୍ବଶୁର ଘର ପାଖରେ ବାହା ହୋଇଛନ୍ତି ସେ ନିଜ ଶଶୁର ବାବାଜି ଜେନା(୬୬) ଏବଂ ରଘୁର ସ୍ତ୍ରୀ ସୁଭଦ୍ରାଙ୍କୁ ସାଙ୍ଗରେ ନେଇ ନିଜ ଗାଁ ବନମାଳିପୁରକୁ ଆସିଥିଲେ । ଭଉଣୀ କାହିଁକି ସୁଭଦ୍ରାକୁ ଘରକୁ ଆଣିଲା । ରଘୁ ପରିଡ଼ାଙ୍କ ମୁଣ୍ଡକୁ ରାଗ ଚଢି ଯାଇଥିଲା । ଭଉଣୀକୁ ବନମାଳିପୁର ବଟସ୍ଥିତ ବଜାରରେ ନିସ୍ତୁକ ମାଡ଼ ମାରି ଗୁରୁତର କରିଦେଇଥିଲା ଭାଇ ରଘୁ । ବଜାରରେ ଥିବା ଲୋକମାନେ ମଧୁସ୍ମିତାକୁ ଉଦ୍ଧାର କରି ବାଲିପାଟଣା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଇ ଥାନାକୁ ଖବର ଦେଇଥିଲେ । ବନମାଳିପୁର ଫାଣ୍ଡି ଅଧିକାରୀ ରଘୁ ଏବଂ ବାବାଜି ଜେନାକୁ ଆଣି ବାଲିପାଟଣା ଥାନାରେ ଅଟକ ରଖିଥିବା ସୂଚନା ମିଳିଛି ।

ଜଣେ ପ୍ରତ୍ୟକ୍ଷଦର୍ଶୀ କହିଛନ୍ତି, '' ଅଚାନକ ଜଣେ ଯୁବକ ମହିଳାଙ୍କୁ ପିଟି ଚାଲିଥିଲେ । ଆମେ ତାଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରୁଛୁ । ତାଙ୍କୁ ଅବସ୍ଥା ଗୁରୁତର ରହିଛି । ପୋଲିସ ଉକ୍ତ ଯୁବକଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରୁ ।''

ଇଟିଭି ଭାରତ, ନିଆଳି