ଖୋର୍ଦ୍ଧା:ପୁଣି ଅଶାନ୍ତ ଖୋର୍ଦ୍ଧା ଦେଉଳି ଗାଁ । କିଛି ଦିନର ନୀରବତା ପରେ ପୁଣି ଦେଖିବାକୁ ମିଳିଛି ଅଶାନ୍ତି । ପୂର୍ବ ଶତ୍ରୁତାକୁ କେନ୍ଦ୍ର କରି ଗତକାଲି ବିଳମ୍ବିତ ରାତିରେ ଦେଉଳି ଗ୍ରାମରେ ଏକାଧିକ ବୋମା ମାଡ଼ ହୋଇଥିଲା । ଏନେଇ ଆଜି ବେଗୁନିଆ ଥାନାରେ ଅଭିଯୋଗ କରିଛନ୍ତି ବୋମା ମାଡ଼ରେ ଆହତ ହୋଇଥିବା ମହେଶ୍ୱର ବଳିଆରସିଂ ।
ଏହା ମଧ୍ୟ ପଢନ୍ତୁ- ଜମିବାଡି ବିବାଦକୁ ନେଇ କନ୍ତିଆରେ ବୋମା ମାଡ, ବ୍ୟବସାୟୀ ଗୁରୁତର
ସୂଚନା ଅନୁଯାୟୀ , ଗତକାଲି ରାତିରେ ମହେଶ୍ବର ବଳିଆରସିଂ, ଜୟକୃଷ୍ଣ ବଳିଆରସିଂ ଓ ଦୈତାରି ବଳିଆରସିଂ ତିନି ଭାଇ ଦାଣ୍ଡ ପିଣ୍ଡାରେ ଶୋଇଥିବା ବେଳେ ରାତି ପ୍ରାୟ ୧ଟା ବେଳେ ହଠାତ ବୋମା ମାଡ଼ର ଶବ୍ଦ ଶୁଣି ଉଠିଥିଲେ । ଏନେଇ ବାହାରକୁ ଯାଇ ଦେଖିଥିଲେ ଯେ ସେହି ଗ୍ରାମର ମୁନା ବେହେରା ଲଗାତାର ଭାବେ ବୋମାମାଡ଼ କରୁଥିଲା । ଏଥି ସହ ଏମାନଙ୍କୁ ଦେଖି ଏମାନଙ୍କ ଉପରକୁ ମଧ୍ୟ ବୋମା ଫୋପାଡି ଥିଲା । ଏଥିରେ ଦୈତାରି, ଜୟକୃଷ୍ଣ ଓ ମହେଶ୍ୱର ତିନି ଭାଇ ଆହତ ହୋଇଥିଲେ । ଏନେଇ ସଙ୍ଗେସଙ୍ଗେ ସେମାନେ ଖୋର୍ଦ୍ଧା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହୋଇଥିବା ବେଳେ ଭୟଭୀତ ଥିବା ନେଇ ଥାନାରେ ଅଭିଯୋଗ କରିଛନ୍ତି ।