ଖୋର୍ଦ୍ଧା: ଆଉ କିଛିଦିନ ପରେ ଦେଶ ପାଳିବ 72ତମ ସ୍ବାଧୀନତା ଦିବସ । 1947 ମସିହା ଅଗଷ୍ଟ 15ରେ ଦେଶ ସ୍ବାଧୀନ ହୋଇଥିଲା । ତେବେ ଦେଶର ସ୍ବାଧୀନତା ପଛରେ ମହାତ୍ମା ଗାନ୍ଧୀଙ୍କ ଅବଦାନ ଅତୁଳନୀୟ ଥିଲା । ଇଂରେଜ କବଳରୁ ଦେଶକୁ ମୁକ୍ତ କରିବା ପାଇଁ ମାହାତ୍ମା ଗାନ୍ଧୀ ସାରାଦେଶ ପରିଭ୍ରମଣ କରିବା ସହ ଅନେକ ସଂଗ୍ରାମ କରିଥିଲେ । ଗାନ୍ଧୀଜୀ ଓଡିଶାକୁ ମଧ୍ୟ ଅନେକ ବାର ଆସିଥିଲେ । ଏପରିକି ଖୋର୍ଦ୍ଧା ଜିଲ୍ଲା ବୋଲଗଡ ଡାକବଙ୍ଗଳା ଠାରେ ଅବସ୍ଥାନ କରୁଥିଲେ ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
ଫଳରେ ଏହି ଅଞ୍ଚଳରୁ ଅନେକ ଦେଶପ୍ରେମୀ ଦେଶ ସ୍ବାଧିନ ପାଇଁ ଲଢେଇ ରେ ସାମିଲ ହୋଇଥିଲେ । ଗାନ୍ଧୀଙ୍କ ଆହ୍ବାନରେ ପ୍ରେରଣା ପାଇ ବୋଲଗଡ ଅଞ୍ଚଳରେ ସମସ୍ତେ ପ୍ରାୟ ସୂତା କାଟି ବସ୍ତ୍ର ପରିଧାନ କଲେ । ଏମିତି ଅନେକ ଘଟଣା ଗାନ୍ଧୀ ଓ ବୋଲଗଡ ମଧ୍ୟରେ ଜଡିତ ଅଛି । ପରେ ବୋଲଗଡରେ ଉତ୍କଳମଣି ଖଦି କେନ୍ଦ୍ର ମଧ୍ୟ ସ୍ଥାପିତ ହେଲା । ଏହାସହ ବହୁ ଗାନ୍ଧୀ ସ୍ମୃତି ଏବେ ଏଇଠି ସାଇତା ହୋଇରହିଛି ।