ଖୋର୍ଦ୍ଧା: ବିଲରୁ ଜଣେ ବୃଦ୍ଧଙ୍କ ମୃତଦେହକୁ ଉଦ୍ଧାର କରିଛି ଖୋର୍ଦ୍ଧା ଜିଲ୍ଲା ବୋଲଗଡ଼ ଥାନା ବଙ୍କେଇ ଫାଣ୍ଡି ପୋଲିସ । ସୂଚନା ଅନୁଯାୟୀ ବୋଲଗଡ଼ ଥାନା ବଙ୍କେଇ ଫାଣ୍ଡି ଅଞ୍ଚଳର ବାଳସିଂହ ଗ୍ରାମର ଏକ ଗହୀର ଜମିରେ ଜଣେ ବୃଦ୍ଧଙ୍କ ଉଲଗ୍ନ ଅବସ୍ଥାରେ ମୃତଦେହ ପଡିଥିବା ସ୍ଥାନୀୟ ଲୋକେ ଦେଖିଥିଲେ । ପରେ ଏନେଇ ପୋଲିସକୁ ଖବର ଦେଇଥିଲେ ।
ପୋଲିସ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଜାରି ରଖିଛି । ତେବେ ବୃଦ୍ଧ ଜଣକ ନୟାଗଡ଼ ଜିଲ୍ଲା ଫତେଗଡ ଥାନା କୋଦପିଠା ଗ୍ରାମର କୃଷ୍ଣ ଚନ୍ଦ୍ର ପ୍ରଧାନ(୭୫)ବୋଲି ଜଣାପଡିଛି । କୃଷ୍ଣ ଚନ୍ଦ୍ର କିପରି ଏଠାକୁ ଆସିଲେ ଏବଂ ତାଙ୍କର କିପରି ମୃତ୍ୟୁ ହେଲା ତାହା ଏବେ ସନ୍ଦେହ ଘେରରେ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ