ଖୋର୍ଦ୍ଧା: ମୁଖ୍ୟମନ୍ତ୍ରୀଙ୍କ ବେଗୁନିଆ ଗସ୍ତ ପୂର୍ବରୁ ବେଗୁନିଆରେ ସାମ୍ବାଦିକ ସମ୍ମିଳନୀ କରି ବିଜୁ ଜନତା ଦଳ ଉପରେ ବର୍ଷିଛି ବିଜେପି । ଆଜି(ରବିବାର) ବେଗୁନିଆରେ ବିଜେପି ବିଧାୟକ ପ୍ରାର୍ଥୀ ଋଷଭ ନନ୍ଦ ଏକ ସାମ୍ବାଦିକ ସମ୍ମିଳନୀ କରି କିପରି ବିଜୁ ଜନତା ଦଳର ସରକାର ଲୋକଙ୍କୁ ଭୁଆଁ ବୁଲାଉଛି ସେ ସମ୍ପର୍କରେ କହିଛନ୍ତି ।
ଋଷଭ କହିଛନ୍ତି, ବାତ୍ୟା ଜୱାଦ ପ୍ରଭାବରେ ଖୋର୍ଦ୍ଧା ଜିଲ୍ଲା କ୍ଷତିଗ୍ରସ୍ତ ହୋଇଥିଲେ ମଧ୍ୟ ଏହାର ରିପୋର୍ଟ ରାଜ୍ୟ ସରକାର କେନ୍ଦ୍ରକୁ ଦେଇନାହାନ୍ତି, ଫଳରେ ଫସଲ କ୍ଷତି ହୋଇଥିବା ଚାଷୀ ସହାୟତରୁ ବଞ୍ଚିତ ହେବେ । ସେହିପରି ଆବାସ ଯୋଜନାରେ ରାଜ୍ୟ ସରକାର କେନ୍ଦ୍ରକୁ ଠିକରେ ରିପୋର୍ଟ ନଦେଇ ମିଛରେ କୁମ୍ଭୀର କାନ୍ଦଣା କାନ୍ଦୁଛନ୍ତି । ବିଶେଷ କରି ବେଗୁନିଆ ନିର୍ବାଚନ ମଣ୍ଡଳୀରେ ବିରୋଧୀ କଂଗ୍ରେସ କର୍ମୀ ଓ ନେତା, ବିଜେଡି ଦଳରେ ମିଶିଥିବା କାରଣରୁ ଶାସକ ବିଜୁ ଜନତା ଦଳ ମନମୁଖୀ ଶାସନ କରିବ । ଯାହା ଫଳରେ ଗରବ ଲୋକମାନେ ସରକାରୀ ଯୋଜନାରୁ ବଞ୍ଚିତ ହେବେ ବୋଲି କହିଛନ୍ତି ବିଜେପି ନେତା ଋଷଭ ନନ୍ଦ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
