ପାଣ୍ଡିଆନଙ୍କୁ ପ୍ରଣବଙ୍କ ପ୍ରଶଂସା ପରେ ବିଜେପିର କଟାକ୍ଷ, କହିଲା ଚୌକି ବଞ୍ଚାଇବାକୁ ଚାଲିଛି ଚାଟୁକାରିତା

ପ୍ରଣବ "ପାଣ୍ଡିଆନଙ୍କୁ ନବୀନଙ୍କ ପଟ୍ଟଶିଷ୍ୟ" କହିବା ପରେ ଏହାକୁ କଟାକ୍ଷ କରିଛି ବିଜେପି । ଚୌକି ବଞ୍ଚାଇବାକୁ ବିଜେଡି ନେତାମାନେ ଚାଟୁକାରିତା କରୁଥିବା କହି ସମାଲୋଚନା କରିଛି ଦଳ । ଅଧିକ ପଢନ୍ତୁ

ଭୁବନେଶ୍ବର: ବିଜେଡିର ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ମନ୍ତବ୍ୟକୁ କଟାକ୍ଷ କଲା ବିଜେପି । ପ୍ରଣବ "ପାଣ୍ଡିଆନଙ୍କୁ ନବୀନଙ୍କ ପଟ୍ଟଶିଷ୍ୟ" କହିବା ପରେ ଏହାକୁ କଟାକ୍ଷ କରିଛି ବିଜେପି । ଏନେଇ ବିଜେପି ଉପ ସଭାପତି ଗୋଲକ ମହାପାତ୍ର କହିଛନ୍ତି, "ବିଜେଡି ନେତାମାନେ କେବଳ ଟିକେଟ୍ ପାଇବା ପାଇଁ ତେଲ ମାରୁଛନ୍ତି । 25 ବର୍ଷ ଭିତରେ ଦଳ ଭିତର ଜଣେ ନେତା ପଟ୍ଟଶିଷ୍ୟ ତିଆରି ହୋଇପାରିଲେନି । ଏହାଠାରୁ ଲଜ୍ଜାଜନକ ଘଟଣା କିଛି ନାହିଁ । ନିଜ ଚୌକି ବଞ୍ଚାଇବାକୁ କେବଳ ଚାଟୁକାରିତା କରୁଛନ୍ତି ବିଜେଡି ନେତା।"

"ସେହିପରି ପ୍ରଦୀପ ପାଣିଗ୍ରାହୀଙ୍କୁ ନେବାକୁ ବିଜେପି କାହିଁକି ଆଗଭର ?" ବୋଲି ଗତକାଲି ଗଞ୍ଜାମ ଜିଲ୍ଲା ବିଜେଡି ପକ୍ଷରୁ ସାମ୍ବାଦିକ ସମ୍ମିଳନୀ କରି ବିଜେପିକୁ ଟାର୍ଗେଟ କରାଯାଇଥିଲା । ତେବେ ଏହାକୁ ନେଇ ପ୍ରତିକ୍ରିୟା ରଖି ବିଜେପି କହିଛି, "50ରୁ ଅଧିକ ନେତା ଅନ୍ୟ ଦଳରୁ ଯାଇଛନ୍ତି । ନିଜ ଦଳରେ ନେତା ନାହାନ୍ତି । ସେଥିପାଇଁ ବିଭିନ୍ନ ଦଳରୁ ନେତା ନେଇ ଦଳ କରୁଛି । ବିଜେପି ପାଖରେ ନେତା ଦଳ ଆରମ୍ଭରୁ ଦଳର ନୀତି ଆଦର୍ଶରେ କାମ କରୁଛନ୍ତି । ଆମକୁ କହିବା ପୂର୍ବରୁ ନିଜକୁ ପଚାରନ୍ତୁ ବିକ୍ରମ ବାବୁ କେଉଁ ଦଳରୁ ଆସିଛନ୍ତି ?"

ଏହା ବି ପଢନ୍ତୁ...ପ୍ରଶଂସାରେ ଗଦଗଦ ପ୍ରଣବ, କହିଲେ ମୁଖ୍ୟମନ୍ତ୍ରୀଙ୍କ ପଟ୍ଟଶିଷ୍ୟ ଭିକେ ପାଣ୍ଡିଆନ

ରାଜ୍ୟ ରାଜନୀତିରେ ଏବେ ଦୁଇ ଜଣଙ୍କ ମିଶ୍ରଣକୁ ନେଇ ଜୋର ଧରିଛି ଚର୍ଚ୍ଚା । ଗୋଟିଏ ପଟେ ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ ବିଜେପିରେ ମିଶିବା ନେଇ ଚର୍ଚ୍ଚା ଜୋର ଧରିଥିବାବେଳେ ଅନ୍ୟପଟେ ପାଣ୍ଡିଆନ ଅବସର ନେବା ପରେ ବିଜେଡିର ମିଶିବା ନେଇ ଚର୍ଚ୍ଚା ଚାଲିଛି । ଯାହା ବିଜେଡିର ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ ସଂକେତ ବି ଦେଇସାରିଛନ୍ତି । ବିଜୁ ଜନତା ଦଳରେ ହୋଇପାରେ ବଡ଼ ସାଙ୍ଗଠନିକ ପରିବର୍ତ୍ତନ । ଆସନ୍ତା ୨୦୨୪ ନିର୍ବାଚନକୁ ଆଖି ଆଗରେ ରଖି ଦଳର ସବୁଠାରୁ ବଡ଼ ପ୍ରୋଜେକ୍ଟକୁ ଖୁବଶୀଘ୍ର ଦଳର ସୁପ୍ରିମୋ ନବୀନ ପଟ୍ଟନାୟକ କାର୍ଯ୍ୟକାରୀ କରିବେ ବୋଲି ଆଲୋଚନା ହେଉଛି । ନିଜର ଉତ୍ତରାଧିକାରୀକୁ ଖୁବଶୀଘ୍ର ବିଜେଡିରେ ଅବସ୍ଥାପିତ କରାଇବେ ବୋଲି କୁହାଯାଉଛି । ଯାହା ନବୀନଙ୍କ ପାଇଁ ଏକ ବଡ଼ ଚ୍ୟାଲେଞ୍ଜ ରହିଛି ।

ଇଟିଭି ଭାରତ, ଭୁବନେଶ୍ବର