ଭୁବନେଶ୍ବର:ଆରମ୍ଭ ହେଲା ବଜେଟ ଅଧିବେଶନ । ଆସନ୍ତାକାଲି ଉପସ୍ଥାପନା ହେବ କେନ୍ଦ୍ର ବଜେଟ । ଚଳିତ ବର୍ଷ ପାଇଁ ଉପସ୍ଥାପିତ ହେବ କେନ୍ଦ୍ର ବଜେଟ। ଏହାକୁ ନେଇ ପ୍ରତିକ୍ରିୟା ରଖିଛନ୍ତି ବିଜେପି ସାଧାରଣ ସମ୍ପାଦକ ପୃଥ୍ୱୀରାଜ ହରିଚନ୍ଦନ । ତେବେ ଏନେଇ ପୃଥ୍ୱୀରାଜ କହିଛନ୍ତି ଯେ , ସ୍ବାଧୀନତା ମିଳିବା ପର ଠାରୁ ଓଡିଶାକୁ କେବେ କୌଣସି କେନ୍ଦ୍ର ସରକାର ସହାୟକ ହୋଇ ନ ଥିଲେ। 2014 ଠାରୁ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦି ଦେଶର ପ୍ରଧାନମନ୍ତ୍ରୀ ହେବା ପର ଠାରୁ ପ୍ରତିବର୍ଷ ଅଧିକ ରୁ ଅଧିକ ସହାୟତା ଓଡିଶା ପ୍ରଦେଶକୁ ମିଳୁଛି। ସେ ରାଜପଥ ଠାରୁ ଆରମ୍ଭ କରି ରେଳପଥ ଇନଫ୍ରାଷ୍ଟ୍ରକଚର, ଗରିବ କଲ୍ୟାଣ ଯୋଜନା ପର୍ଯ୍ୟନ୍ତ ଓଡ଼ିଶା ସହାୟତା ପାଉଛି।
ଅତୀତରେ ପ୍ରଧାନମନ୍ତ୍ରୀ ଯେଉଁ କଥା କହିଥିଲେ ଓଡ଼ିଶାର ବିକାଶ ପାଇଁ କୌଣସି ଅର୍ଥରେ ଅଭାବ ରହିବ ନାହିଁ। ସେ ଏହାକୁ ପ୍ରତିଫଳିତ ବି କରୁଛନ୍ତି। ଚଳିତ ବଜେଟ ରେ ଯେଉଁ ଭଳି ଆର୍ଥିକ ସହାୟତା ଯୋଗାଇ ଦେଇଥିଲେ ସେହିଭଳି ଆସନ୍ତା ଆର୍ଥିକ ବର୍ଷରେ ଯୋଜନା ଗୁଡିକ ଅଧିକ ପରିମାଣରେ ଓଡିଶା ପ୍ରଦେଶ ସହାୟତା ପାଇବ ଆଶା ଅଛି କେନ୍ଦ୍ର ସରକାରଙ୍କ ଉପରେ। ତେଣୁ ଆସନ୍ତା ବଜେଟ ରେ ଓଡିଶା ପାଇଁ ଏକ ଶୁଭଙ୍କର ବଜେଟ ହେବ ବୋଲି କହିଛନ୍ତି ପୃଥ୍ୱୀରାଜ ।