ଖୋର୍ଦ୍ଧା: ଜିଲ୍ଲାରେ ଉଦଘାଟିତ ହୋଇଯାଇଛି ବିଜୁ ପ୍ରିମିୟର ଲିଗ । ଯୁବ-ଛାତ୍ର ଜନତା ଦଳ ଆନୁକୂଲ୍ୟରେ ବିଜେବି ହାଇସ୍କୁଲ ଖେଳ ପଡ଼ିଆଠାରେ ଆଜିଠାରୁ ୨୪ ମାର୍ଚ୍ଚ ପର୍ଯ୍ୟନ୍ତ ଅନୁଷ୍ଠିତ ହେବ ବିଜୁ ପ୍ରିମିୟରର ଲିଗ ।
ବିଜୁ ପ୍ରିମିୟର ଲିଗ ମ୍ୟାଚ ଉଦଘାଟିତ
ଏହି ଉତ୍ସବରେ ପ୍ରଣବ ବଳବନ୍ତରାୟ ମୁଖ୍ୟ ଅତିଥି ଭାବେ ଯୋଗଦେଇ ମ୍ୟାଚର ଉଦଘାଟନ କରିବା ସହ ସମଗ୍ର ରାଜ୍ୟର ବିଜୁପ୍ରେମୀଙ୍କ ମଧ୍ୟରେ ଭାଇଚାରା ଓ ସଦ୍ଭାବନା ବଜାୟ ରଖିବାରେ ଏହି ଭଳି ମ୍ୟାଚ ଗୁରୁତ୍ୱପୂର୍ଣ୍ଣ ବୋଲି କହିଛନ୍ତି । ଏହା ସହିତ ଅନ୍ୟତମ ଅତିଥି ଭାବେ ବ୍ୟୋମକେଶ ରାୟ, ରାଜ୍ୟ ବିଜୁ ମହିଳା ସମ୍ପାଦିକା ଏଲିନା ସାମନ୍ତରାୟ ଯୋଗ ଦେଇଥିଲେ। ଏହି ପ୍ରିମିୟର ଲିଗ ପାଇଁ ବୌଦ୍ଧ, ନୟାଗଡ଼, ଗଞ୍ଜାମ, ପୁରୀ ଓ ଭୁବନେଶ୍ଵର ସମେତ ଖୋର୍ଦ୍ଧାର ଯୁବ ଓ ଛାତ୍ର ବିଜୁ ଜନତା ଦଳରୁ ମନୋନୀତ ହୋଇଥିବା ଖେଳାଳିମାନଙ୍କ ମଧ୍ୟରେ ଅନୁଷ୍ଠିତ ହେବ ବୋଲି ଜଣାପଡିଛି ।