ଖୋର୍ଦ୍ଧା: ବେଗୁନିଆ ବ୍ଲକରେ ଦିଗହରା ସ୍ବଚ୍ଛ ଭାରତ ମିଶନ । ନିମ୍ନମାନର ପାଇଖାନା ତିଆରି ନେଇ ଅଭିଯୋଗ ଆଣିଛନ୍ତି ହିତାଧିକାରୀ । ଗ୍ରାମ୍ୟ ବାହ୍ୟମଳ ମୁକ୍ତ ପାଇଁ ସ୍ବଚ୍ଛ ଭାରତ ମିଶନ ତରଫରୁ ନିର୍ମାଣ ହେଉଛି ଶୌଚାଳୟ । ହେଲେ ଗରିବ ହିତାଧିକାରୀଙ୍କ ଆର୍ଥିକ ଅସହାୟତର ସୁଯୋଗ ନେଇ କିଛି ଠିକାଦାର ନିମ୍ନମାନର ପାଇଖାନା ତିଆରି କରୁଥିବା ଅଭିଯୋଗ ହେଉଛି ।
ଖୋର୍ଦ୍ଧାରେ ଦିଗହରା ସ୍ୱଚ୍ଛ ଭାରତ
ସ୍ବଚ୍ଛ ଭାରତ ମିଶନ ଅଧୀନରେ ପାଇଖାନା ନିର୍ମାଣ ପାଇଁ ସରକାର ଦେଉଛନ୍ତି 12 ହଜାର ଟଙ୍କା । କିନ୍ତୁ ପ୍ରଦତ୍ତ ସମ୍ପୂର୍ଣ୍ଣ ଟଙ୍କା ବିନିଯୋଗ ନକରି ନିମ୍ନମାନର ପାଇଖାନା ତିଆରି କରୁଛନ୍ତି କିଛି ଠିକାଦାର । ଫଳରେ ଅଳ୍ପ ଦିନରେ ପାଇଖାନାର ପଲସ୍ତରା ଛାଡିବା ସହ ତାହା ବିପଦ ସଙ୍କୁଳ ହେଉଥିବା ଅଭିଯୋଗ କରୁଛନ୍ତି ହିତାଧିକାରୀ ।