ଖୋର୍ଦ୍ଧା: ଲକଡାଉନ ସମୟରେ ଚୋରା ଦେଶୀ ମଦ ବେପାରୀଙ୍କ ପ୍ରାଦୁର୍ଭାବ ବେଗୁନିଆ ଅଞ୍ଚଳରେ ବୃଦ୍ଧି ପାଇବାରେ ଲାଗିଛି । ଶିନିବାର କଣ୍ଟାବାଡ କାଜୁ ଜଙ୍ଗଲରେ ଚଢ଼ାଉ କରି ବିପୁଳ ପରିମାଣର ପୋଚ ଜବତ କରି ନଷ୍ଟ କରିବା ସହ ମଦରନ୍ଧା ସାମଗ୍ରୀ ଜବତ କରିଛନ୍ତି ବେଗୁନିଆ ପୋଲିସ ।
ବିପୁଳ ପରିମାଣରେ ପୋଚ ନଷ୍ଟ କରିବା ସହ ଜଣେ ମହିଳାଙ୍କୁ ଗିରଫ କଲା ପୋଲିସ
ସୂଚନା ଥାଉକି ଖୋର୍ଦ୍ଧା ଜିଲ୍ଲା ବେଗୁନିଆ ଥାନା ଅନ୍ତର୍ଗତ କଣ୍ଟାବାଡ ଅଞ୍ଚଳରେ ବହୁ ଦିନ ହେବ ଦେଶୀ ମଦ ରନ୍ଧା ହୋଇ ବିକ୍ରି ହେଉଥିବା ଖବର ପୋଲିସ ପାଇଥିଲା । କିନ୍ତୁ ଶନିବାର ବିଶେଷ ସୂତ୍ରରୁ ମଦରନ୍ଧା ଖବର ପାଇଁ ବେଗୁନିଆ ପୋଲିସ କଣ୍ଟାବାଡ କାଜୁ ଜଙ୍ଗଲରେ ଚଢାଉ କରିଥିଲା । ଚଢାଉ ସମୟରେ ମଦ ରାନ୍ଧୁଥିବା ବେଳେ ଦୀପା ସାହୁ ନାମକ ଜଣେ ମହିଳାଙ୍କୁ ଗିରଫ କରିଛି ବେଗୁନିଆ ପୋଲିସ । ଗିରଫ ମହିଳାଙ୍କୁ କୋର୍ଟ ଚାଲାଣ କରିଛି ପୋଲିସ ।