ବାଙ୍କାପାଲି ଜଙ୍ଗଲରୁ 5 ଜୁଆଡି ଗିରଫ, ଜୁଆ ସାମଗ୍ରୀ ସହ ଟଙ୍କା ଜବତ

ବାଙ୍କାପାଲି ଜଙ୍ଗଲରେ ବେଗୁନିଆ ପୋଲିସର ଚଢାଉ କରି 5 ଜଣ ଜୁଆଡିଙ୍କୁ ଗିରଫ କରିଛି । ସମସ୍ତଙ୍କୁ ମଙ୍ଗଳବାର କୋର୍ଟ ଚାଲାଣ କରାଯାଇଛି ।

ଖୋର୍ଦ୍ଧା: ବାଙ୍କାପାଲି ଜଙ୍ଗଲରେ ବେଗୁନିଆ ପୋଲିସର ଚଢାଉ । ଏଥିରେ 5 ଜଣ ଜୁଆଡିଙ୍କୁ ଗିରଫ କରିଛି ପୋଲିସ । ଗିରଫ ଜୁଆଡ଼ି ହେଲେ ବାପି ନାୟକ, ପ୍ରତାପ ଛୁଆଳସିଂ, ବାଙ୍କନିଧି ନାୟକ, ସୂର୍ଯ୍ୟକାନ୍ତ ନାୟକ ଏବଂ ବୁଦ୍ଧିଆ ନାୟକ । ସେମାନଙ୍କ ନିକଟରୁ ଜୁଆ ପାଲି, ଗୋଟି, ଗ୍ଲାସ ଏବଂ ନଗଦ ଟଙ୍କା ଜବତ କରାଯାଇଛି ।

ବେଗୁନିଆ ଥାନା ମଣିବନ୍ଧ-କୋଦବେରଣୀ ରାସ୍ତା ମଧ୍ୟରେ ଥିବା ବାଙ୍କାପାଲି ଜଙ୍ଗଲ ମଧ୍ୟରେ ଜୁଆ ଖେଳ ହେଉଥିବା ନେଇ ବିଶ୍ବସ୍ତ ସୂତ୍ରରୁ ସୂଚନା ପାଇଥିଲା ବେଗୁନିଆ ପୋଲିସ । ସମସ୍ତଙ୍କୁ ମଙ୍ଗଳବାର କୋର୍ଟ ଚାଲାଣ କରାଯାଇଥିବା ବେଗୁନିଆ ଥାନା ଅଧିକାରୀ କହିଛନ୍ତି ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ