ଖୋର୍ଦ୍ଧା: କୋଭିଡ ନିୟମ ନ ମାନି ତଣ୍ଡ ଗଣିଲା ବ୍ୟାଙ୍କ । କୋରୋନା ଆକ୍ରାନ୍ତଙ୍କ ସର୍ବାଧିକ ସଂଖ୍ୟାରେ ଖୋର୍ଦ୍ଧା ଜିଲ୍ଲା ଆଗରେ ରହିଛି । ଜିଲ୍ଲାର ବେଗୁନିଆ ଅଞ୍ଚଳରେ ସଂକ୍ରମଣଙ୍କ ସଂଖ୍ୟା ଅଧିକ ରହିଛି । ତେଣି କୋରୋନା ନିୟମକୁ ମାନିବାକୁ ସରକାର ନିର୍ଦ୍ଦେଶ ଜାରି କରିଛନ୍ତି । ମାତ୍ର ନିୟମ ଉଲ୍ଲଂଘନ କରି ବେଗୁନିଆ ବଜାରରେ ଥିବା ୟୁକୋ ବ୍ୟାଙ୍କ ତଣ୍ଡ ଗଣିଛି ।
କୋଭିଡ ନିୟମ ଭାଙ୍ଗି ତଣ୍ଡ ଗଣିଲା ବ୍ୟାଙ୍କ
ଜିଲ୍ଲାରେ ଦୈନିକ ସଂକ୍ରମଣଙ୍କ ସଂଖ୍ୟା ହଜାର ପାର କରୁଛି । ଏହା ପରେ ବି ସଚେତନ ହେଉନାହାନ୍ତି ଲୋକ । ବେଗୁନିଆ ବଜାରରେ ଥିବା ୟୁକୋ ବ୍ୟାଙ୍କରେ ଲୋକଙ୍କ ନାହିଁ ନଥିବା ଗହଳି ହୋଇଥିଲା । ଯାହା ତହସିଲଦାରଙ୍କ ନଜରକୁ ଆସିବା ପରେ ତହସିଲଦାର ଘଟଣା ସ୍ଥଳରେ ପହଞ୍ଚି ବ୍ୟାଙ୍କ ମ୍ୟାନେଜରଙ୍କୁ ତାଗିଦ କରିଥିଲେ ।