ଭୁବନେଶ୍ବର: ପରୀ ହତ୍ୟା ଘଟଣାରେ ଦିନକୁ ଦିନ ବିବାଦ ତେଜିବା ସହିତ ବିଭିନ୍ନ ସଂଗଠନ ପକ୍ଷରୁ ଆନ୍ଦୋଳନ ହେଉଥିବା ଦେଖିବାକୁ ମିଳୁଛି । ଗୁରୁବାର ବାଣୀ ବିହାର ଛାତ୍ର ସଂଘ ପକ୍ଷରୁ ଘଟଣାକୁ ତୀବ୍ର ବିରୋଧ କରାଯିବା ସହ ସିବିଆଇ ତଦନ୍ତ ଦାବି ହୋଇଛି ।
ପରୀ ହତ୍ୟାକାଣ୍ଡର ସିବିଆଇ ତଦନ୍ତ ଦାବି କଲା ବାଣୀବିହାର ଛାତ୍ର ସଂଘ
ପରୀ ହତ୍ୟା ଘଟଣାର ଚର୍ଚ୍ଚା ଏପର୍ଯ୍ୟନ୍ତ ଥମୁ ନ ଥିବା ଦେଖିବାକୁ ମିଳିଛି । ରାଜନୈତିକ ଦଳମାନଙ୍କଠାରୁ ଆରମ୍ଭ କରି ସମାଜର ବିଭିନ୍ନ ଗୋଷ୍ଠୀ ଓ ଛାତ୍ର ସମାଜ ପକ୍ଷରୁ ଏହି ଘଟଣାର ନିନ୍ଦା କରାଯାଉଛି । ଘଟଣାର ଉପଯୁକ୍ତ ତଦନ୍ତ ଦାବି କରିବା ସହ ଏଥିରେ ସମ୍ପୃକ୍ତ ବ୍ୟକ୍ତିଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ପାଇଁ ଦାବି କରାଯାଉଛି । ବାଣୀ ବିହାର ଛାତ୍ର ସଂଘର ଏକାଧିକ ଛାତ୍ରମାନେ ବାଣୀବିହାରଠାରୁ ମାଷ୍ଟର କ୍ୟାଣ୍ଟିନ ପର୍ଯ୍ୟନ୍ତ ଏକ ବାଇକ୍ ଶୋଭାଯାତ୍ରାରେ ଆସିବା ସହ ବିକ୍ଷୋଭ ପ୍ରଦର୍ଶନ କରିଥିଲେ ।