ଖୋର୍ଦ୍ଧା:ବାଣପୁର ଦକ୍ଷ ପ୍ରଜାପତି ମନ୍ଦିରରୁ ମୂର୍ତ୍ତି ଚୋରି ଘଟଣାରେ ସଫଳତା ମିଳିଛି । ମାସେ ପରେ ପୋଲିସ 4 ଜଣ ରାଜ୍ୟ ବାହାରର ଚୋରଙ୍କୁ ଗିରଫ କରିବାରେ ସକ୍ଷମ ହୋଇଛି । ତେବେ ତାଙ୍କଠାରୁ 9 ଟି ବିରଳ ଦେବାଦେବୀଙ୍କ ମୂର୍ତ୍ତି ସହ 4ଟି ମୂର୍ତ୍ତିକୁ ତରଳ ଯାଇଥିବା ଧାତୁକୁ ଉଦ୍ଧାର କରାଯାଇଛି ।
ବାଣପୁର ପୋଲିସକୁ ସଫଳତା, ମାସେ ପରେ ଧରାହେଲେ ମୂର୍ତ୍ତି ଚୋର
ଚୋରି କାର୍ଯ୍ୟରେ ନିୟୋଜିତ ଥିବା ସମସ୍ତ ଚୋର ରାଜସ୍ଥାନ ବୋଲି ଜଣାପଡିଛି । ଗିରଫ ହୋଇଥିବା ଚୋର ହେଉଛନ୍ତି ମୁକେଶ ଚନ୍ଦ୍ର ମୀନା, କୈଳାସ ଚନ୍ଦ୍ର ମୀନା, ଚୁତାନ ମୀନା ଓ ମନୋଜ କୁମାର ମୀନା । ଚୋରମାନେ ବିଦ୍ୟୁତ୍ ଖୁଣ୍ଟ ପୋତିବା ଆଳରେ ରାଜ୍ୟର ବିଭିନ୍ନ ଅଞ୍ଚଳରେ ବୁଲାବୁଲି କରି ଚୋରି କରିବା ପାଇଁ ଯୋଜନା ପ୍ରସ୍ତୁତ କରିବା ସହିତ ମନ୍ଦିର ଉପରେ ନଜର ରଖୁଥିଲେ । ଏହାପରେ ସେହି ସ୍ଥାନକୁ ଆସି ଲୁଟ୍ପାଟ୍ କରୁଥିଲେ ।