ଖୋର୍ଦ୍ଧା: ବେଗୁନିଆ ବ୍ଳକ ଅନ୍ତର୍ଗତ ବଡବେରଣା ସେବା ସମବାୟ ସମିତିର ସମ୍ପାଦକ ନିରଞ୍ଜନ ଦାସଙ୍କୁ ସମବାୟ ବିଭାଗ କାର୍ଯ୍ୟରେ ଅବହେଳା ସହ ଚାଷୀଙ୍କ ଧାନ ବିକ୍ରି ପଞ୍ଜିକରଣରେ ଅନିୟମିତତା ଅଭିଯୋଗରେ ନିଲମ୍ବନ କରିଛି । ସୂଚନା ଥାଉକି, ବଡବେରଣା ସମବାୟ ସମିତିର ସମ୍ପାଦକ ନିରଞ୍ଜନ ଦାସ ଚାଷୀଙ୍କ ପାଇଁ ଥିବା ସବୁ ନୀତିନିୟମକୁ ଜଳାଞ୍ଜଳି ଦେଇ ମେରିରାୟ ନୀତିରେ ରାଜ ଚଳାଇଥିଲେ ।
ଚଳିତ ଖରିଫ ଧାନ ବିକ୍ରି ପାଇଁ ପଞ୍ଜିକରଣ ନିମନ୍ତେ ୬୪୫ ଜଣ ଆବେଦନ କରିଥିବାବେଳେ ସେଥିମଧ୍ୟରୁ ମାତ୍ର ୪୧୭ ଜଣଙ୍କ ନାମ ପଞ୍ଜିକରଣ କରାଯାଇଥିଲା । ୨୨୮ ଜଣ ଚାଷୀ ପଞ୍ଜିକରଣରୁ ବାଦ ପଡ଼ିଥିଲେ । ଯାହାର ପ୍ରତିବାଦରେ ଚାଷୀମାନେ ସମ୍ପାଦକଙ୍କୁ ନିଲମ୍ବନ ଦାବିରେ ୨୦ ତାରିଖ ଦିନ ଖୋର୍ଦ୍ଧା କଣ୍ଟିଲୋ ରାସ୍ତାଙ୍କୁ ଦୀର୍ଘ ୮ ଘଣ୍ଟା ଅବରୋଧ କରିଥିଲେ। ଫଳରେ ସମବାୟ ବିଭାଗ ସମ୍ପାଦକଙ୍କୁ ନିଲମ୍ବନ କରିଛି । ସେପଟେ ଚାଷୀ ସମ୍ପାଦକଙ୍କ ନିଲମ୍ବନ ନୁହେଁ ବରଂ ବହିଷ୍କାର କରିବା ପାଇଁ କହିଛନ୍ତି ଚାଷୀ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ