ଖୋର୍ଦ୍ଧା:ଓଡ଼ିଶାର ଆଦର୍ଶ ବିଦ୍ୟାଳୟରେ ନାହାନ୍ତି ଗ୍ରନ୍ଥଗାରିକ । ପାଠାଗାର ପରିଚାଳନା ପାଇଁ ଗ୍ରନ୍ଥାଗାରିକ ନିଯୁକ୍ତି ଆବଶ୍ୟକତା ଥିବା ବେଳେ ଓଡ଼ିଶା ଆଦର୍ଶ ବିଦ୍ୟାଳୟ ଏପର୍ଯ୍ୟନ୍ତ ଗ୍ରନ୍ଥାଗାରିକ ନିଯୁକ୍ତି ପାଇନାହାନ୍ତି । ଏପଟେ ଆଶାୟୀ ମାନେ ପଦବୀକୁ ନେଇ ଅନେଇ ବସିଥିବା ବେଳେ ଖୁବ ଶୀଘ୍ର ପଦବୀ ପୂରଣ ପାଇଁ ଦାବି ଜୋର ଧରିଛି ।
ଓଡ଼ିଶା ଆଦର୍ଶ ବିଦ୍ୟାଳୟରେ ନାହାନ୍ତି ଗ୍ରନ୍ଥଗାରିକ । ପାଠାଗାର ପରିଚାଳନା ପାଇଁ ଗ୍ରନ୍ଥାଗାରିକ ନିଯୁକ୍ତି ଆବଶ୍ୟକତା ଥିବା ବେଳେ ଓଡ଼ିଶା ଆଦର୍ଶ ବିଦ୍ୟାଳୟ ଏପର୍ଯ୍ୟନ୍ତ ଗ୍ରନ୍ଥାଗାରିକ ନିଯୁକ୍ତି ପାଇନାହାନ୍ତି । ଏନେଇ କୌଣସି ପଦବି ମଧ୍ୟ ପୂରଣ କରାଯାଇନାହିଁ । କେବଳ ଗୋଟିଏ ଆଦର୍ଶ ବିଦ୍ୟାଳୟ ପାଇଁ ଗ୍ରନ୍ଥାଗାରିକ ପଦବୀ ମଞ୍ଜୁର ହୋଇଛି । ହେଲେ ଏପର୍ଯ୍ୟନ୍ତ କୌଣସି ଆଦର୍ଶ ବିଦ୍ୟାଳୟରେ ଗ୍ରନ୍ଥାଗାରିକ ନିଯୁକ୍ତି କରାଯାଇନାହିଁ ।
ଏହାମଧ୍ୟ ପଢନ୍ତୁ..ITI କ୍ୟାମ୍ପସରେ ଉତ୍ତେଜନା, ଅଧ୍ୟକ୍ଷଙ୍କ ବଦଳି ଦାବି ନେଇ ଜିଲ୍ଲାପାଳଙ୍କୁ ଭେଟିଲେ ଛାତ୍ରଛାତ୍ରୀ
ଓଡ଼ିଶା ଆଦର୍ଶ ବିଦ୍ୟାଳୟ ୨୦୧୫ ମସିହାରୁ କାର୍ଯ୍ୟକ୍ଷମ ହୋଇଥିବା ବେଳେ ଏଥିରେ ଥିବା ପାଠାଗାର ନିମନ୍ତେ ୩୧୯ଟି ଗ୍ରନ୍ଥାଗାରିକ ପଦବୀ ରହିଛି । ହେଲେ 8 ବର୍ଷ ହେଲା ଏହି ପଦଗୁଡ଼ିକ ପୂରଣ ହୋଇନାହିଁ । ବାରମ୍ବାର ଦାବି ସତ୍ତ୍ବେ ନିଯୁକ୍ତି ନେଇ କୌଣସି ବ୍ୟବସ୍ଥା କରାଯାଉ ନଥିବାରୁ ଆଶାୟୀମାନେ ଅସନ୍ତୋଷ ପ୍ରକାଶ କରିଛନ୍ତି । ଜାତୀୟ ଶିକ୍ଷା ନୀତି ୨୦୨୦ ଅନୁଯାୟୀ, ପାଠାଗାର ପରିଚାଳନା ପାଇଁ ତାଲିମପ୍ରାପ୍ତ ଗ୍ରନ୍ଥାଗାରିକ ନିଯୁକ୍ତ କରିବା ଆବଶ୍ୟକ । ଅନ୍ୟ ରାଜ୍ୟଗୁଡ଼ିକରେ ବହୁ ମାତ୍ରାରେ ଗ୍ରନ୍ଥାଗାରିକ ପଦବୀଗୁଡ଼ିକ ପୂରଣ କରାଯାଇଥିବା ବେଳେ ଓଡ଼ିଶାରେ ଏହା ଅତ୍ୟନ୍ତ ନଗଣ୍ୟ ହୋଇ ରହିଥିବା କହିଛନ୍ତି ଆଶାୟୀ । ତେବେ ଓଡ଼ିଶାର ବିଭିନ୍ନ ବିଶ୍ଵବିଦ୍ୟାଳୟରୁ ପାଠାଗାର ଓ ସୂଚନା ବିଜ୍ଞାନ ବିଭାଗରୁ ପ୍ରତିବର୍ଷ ୫୦୦ରୁ ଅଧିକ ଛାତ୍ରଛାତ୍ରୀ ଉତ୍ତୀର୍ଣ୍ଣ ହେଉଛନ୍ତି । ନିଯୁକ୍ତି ଅଭାବରୁ ବର୍ତ୍ତମାନ ସମୟରେ ଛାତ୍ରଛାତ୍ରୀମାନେ ଏହି ଶିକ୍ଷାରୁ ମୁହଁ ମୋଡ଼ୁଛନ୍ତି । ଉତ୍ତୀର୍ଣ୍ଣ ଛାତ୍ରଛାତ୍ରୀମାନେ ମଧ୍ୟ ନିଯୁକ୍ତି ପାଇଁ ଡହଳବିକଳ ହେଉଛନ୍ତି । ତେଣୁ ଆଦର୍ଶ ବିଦ୍ୟାଳୟରେ ପଦବୀ ପୂରଣ କରିବାକୁ ଆଶାୟୀମାନେ ଦାବି କରିଛନ୍ତି ।