ଖୋର୍ଦ୍ଧା: ଜିଲ୍ଲାରେ କୋଭିଡ ଟୀକାକରଣ ଚାଲିଛି । ଭୁବନେଶ୍ୱରକୁ ବାଦ ଦେଲେ ଖୋର୍ଦ୍ଧା, ହଳଦିଆ, ଜଟଣୀ, ବୋଲଗଡ଼, ବେଗୁନିଆ, ଚିଲିକାରେ ଥିବା କେନ୍ଦ୍ରମାନଙ୍କରେ କୋଭିସିଲଡ଼ ଟିକା ପ୍ରଦାନ କରାଯାଉଛି । ଟିକାର ଅଭାବ ହେତୁ ସମସ୍ତ କେନ୍ଦ୍ରରେ ଟୀକାକରଣ ତ୍ୱରାନ୍ୱିତ ହୋଇପାରୁନାହିଁ ।
ଆଜି(ବୁଧବାର) ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀ ଖୋର୍ଦ୍ଧା ପିଏନ କଲେଜ ଏବଂ ଜଟଣୀରେ ଚାଲିଥିବା ଟିକାକରଣ କେନ୍ଦ୍ର ପରିଦର୍ଶନ କରି ଡାକ୍ତର, ନର୍ସ, ଏବଂ ଲୋକଙ୍କ ସହ ଟିକାକରଣ ସଂପର୍କରେ ପଚାରି ବୁଝିଥିଲେ । ଏଥିସହ ଜିଲ୍ଲାର ଅନ୍ୟ କେନ୍ଦ୍ରମାନଙ୍କରେ କୋଭିଡ ଟିକାକରଣ କିପରି ଚାଲିଛି ସେ ବିଷୟରେ ମଧ୍ୟ ପଚାରି ବୁଝିଛନ୍ତି ଅପରାଜିତା । ସେହିପରି କେନ୍ଦ୍ର ଏବଂ ରାଜ୍ୟର ମିଳିତ ସହଯୋଗରେ ସମସ୍ତଙ୍କୁ କୋଭିଡ ଟିକା ପ୍ରଦାନ କରାଯିବ ବୋଲି କହିଥିଲେ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ