ଭୁବନେଶ୍ବର: ରାଜରାସ୍ତାରେ ଝୋଟି ସାଙ୍ଗକୁ ପଡିଲା ହୁଳହୁଳି । ଶଙ୍ଖନାଦ, ଭୋଗ ଓ ଧୂପ ବାସ୍ନାରେ ମହକିଲା ରାଜଧାନୀର ଲୋୟର ପିଏମଜି । ଧାରଣା ସ୍ଥଳରେ ମାଣବସା ଗୁରୁବାର କରିଛନ୍ତି ଆନ୍ଦୋଳନରତ ଅଙ୍ଗନବାଡ଼ି କର୍ମୀ । ରାସ୍ତା ମଝିରେ ମାଆଙ୍କ ଫଟୋ ରଖି ଝୋଟି ପକାଇବା ସହ ଦୀପ, ଧୂପ, ଫୁଲ, ଭୋଗ ଲଗାଇ ମା’ ମହାଲକ୍ଷ୍ମୀଙ୍କୁ ପୂଜା କରିଛନ୍ତି ଅଙ୍ଗନବାଡ଼ି କର୍ମୀ ।
ଧାରଣାସ୍ଥଳରେ ମାଣ ବସାଇଲେ ଅଙ୍ଗନବାଡ଼ି କର୍ମୀ
୮ ଦଫା ଦାବି ନେଇ ପିଏମଜିରେ ଧାରଣାରେ ବସିଛନ୍ତି ଅଙ୍ଗନବାଡ଼ି କର୍ମୀ । ଆଜି ମାର୍ଗଶିର ମାସ ଗୁରୁବାର ଥିବାରୁ ରାସ୍ତାରେ ଝୋଟି ପକାଇ ମା’ ଲକ୍ଷ୍ମୀଙ୍କୁ ପୂଜାର୍ଚ୍ଚନା କରିଥିଲେ । ପିଠାପଣା, ଭୋଗ ଖେଚୁଡି, ଡାଲମା ଆଦି ଭୋଗ ଲଗାଇ ପୂଜା କରିଥିଲେ । ଯେ ପର୍ଯ୍ୟନ୍ତ ସରକାର ଦାବି ପୂରଣ କରିନାହାନ୍ତି ସେହି ପର୍ଯ୍ୟନ୍ତ ରାଜରାସ୍ତାରେ ବସି ଧାରଣା ଦେବେ ବୋଲି ଅଙ୍ଗନବାଡ଼ି ସଂଘର ସୁମିତ୍ରା ମହାପାତ୍ର ।