ଖୋର୍ଦ୍ଧା: ମାନବବାଦ ସଂଗଠନର ମୁଖ୍ୟ ମାନସ ଦାସଙ୍କ ବିରୁଦ୍ଧରେ ଅଭିଯୋଗର ଫର୍ଦ୍ଦ ବଢିବାରେ ଲାଗିଛି । ପଦାକୁ ଆସୁଛି ତାଲିବାନୀ ଶାସନର ଗୋଟିଏ ପରେ ଗୋଟିଏ ଘଟଣା । ମାନବବାଦ ସଂଗଠନରେ ସାମିଲ ନହେବାରୁ ଗାଁରୁ ବାସନ୍ଦ ହେବା ସହ ତଡା ଖାଇଛନ୍ତି କିଛି ପରିବାର । ଏପରି ଅଭିଯୋଗ ଆସିଛି ଖୋର୍ଦ୍ଧା ସଦର ଥାନା ଅନ୍ତର୍ଗତ ତାଳତୋଳା ଗାଁରୁ । ଗାଁରୁ ତଡା ଖାଇ ବାହାରେ ରହୁଛନ୍ତି ରମେଶ ନାୟକ,ସାଧୁ ନାୟକ,ଡମ୍ବରୁ ପ୍ରଧାନ,ଯୋଗୀ ପ୍ରଧାନ,ସର୍ବେଶ୍ୱର ପ୍ରଧାନ ଏବଂ ଭୀମ ପ୍ରଧାନଙ୍କ ପରିବାର ।
ମାନସ ଦାସଙ୍କ ବିରୋଧରେ ବଢୁଛି ଅଭିଯୋଗର ଫର୍ଦ୍ଦ; ସାମ୍ନାକୁ ଆସିଲା ୨୦୧୪ର ଘଟଣା
ସୂଚନା ଅନୁସାରେ, ୨୦୧୪ ମସିହାରେ ଏକ କାଜୁ ଜଙ୍ଗଲରୁ ଲିଜରେ ନେଇଥିଲେ ଏହି ୬ ପରିବାର । କିନ୍ତୁ ଜୋରଜବରଦସ୍ତ ମାନବବାଦ ସଂଗଠନର କିଛି ସଦସ୍ୟ ଜଙ୍ଗଲରେ କାଜୁ ସଂଗ୍ରହ କରିବା ସହ ସେମାନଙ୍କ ଉପରେ ଅତ୍ୟାଚାର କରିଥିଲେ । ଏପରିକି ଲିଜଧାରୀଙ୍କୁ ଗାଁରେ ମଧ୍ୟ ପଶିବାକୁ ଦେଇନଥିଲେ । କେବଳ ସେତିକି ନୁହେଁ ଏହି ୬ ପରିବାରର ଘର ମଧ୍ୟ ଭାଙ୍ଗି ଦେଇଥିଲେ ମାନବବାଦ ସଂଗଠନ ସଦସ୍ୟ ।