ଖୋର୍ଦ୍ଧା: ଖୋର୍ଦ୍ଧା ପୋଲିସକୁ ମିଳିଛି ଏକ ବଡ ସଫଳତା । ବୁଧବାର ଖୋର୍ଦ୍ଧା ଅବକାରୀ ବିଭାଗ ନୂଆ ବସଷ୍ଟାଣ୍ଡ ଅଞ୍ଚଳରେ ଚଢ଼ାଉ କରି 15 ଗ୍ରାମ ବ୍ରାଉନସୁଗାର ଜବତ କରିବା ସହ ଜଣେ ଯୁବକକୁ ଗିରଫ କରିଛି । ଗିରଫ ଯୁବକ ଜଣକ ନିରାକାରପୁର ଅଞ୍ଚଳର ଅବିନାଶ ସାମନ୍ତରାୟ ବୋଲି ଜଣାପଡିଛି । ତେବେ ଏହି ଅଞ୍ଚଳରେ ଦୀର୍ଘଦିନରୁ ଚଢାଉ କରିଆସୁଥିଲେ ହେଁ ପୋଲିସକୁ କୌଣସି ସଫଳତା ମିଳିନଥିଲା ।
ଭିଡିଓ ସୌଜନ୍ୟ:ପ୍ରତିନିଧି, ଖୋର୍ଦ୍ଧା
ସୂଚନା ଅନୁଯାୟୀ, ବହୁ ଦିନ ହେବ ନିଶା ବେପାରୀଙ୍କ ଉପରେ ଏସଟିଏଫ କଡା ନଜର ରଖିଥିବା ବେଳେ ଖୋର୍ଦ୍ଧା ଅଞ୍ଚଳରେ ବ୍ରାଉନସୁଗାର ଚାଲାଣ ଥମିବାର ନାଁ ଧରୁନି । ତେଣୁ ବୁଧବାର ଖୋର୍ଦ୍ଧା ଅବକାରୀ ବିଭାଗ ନୂଆ ବସଷ୍ଟାଣ୍ଡ ଅଞ୍ଚଳରେ ଚଢ଼ାଉ କରିଥିବା ବେଳେ ଅଭିଯୁକ୍ତ ଅବିନାଶ ଖୋର୍ଦ୍ଧା ନୂଆ ବସଷ୍ଟାଣ୍ଡ ଅଞ୍ଚଳରେ ବ୍ରାଉନସୁଗାର ବ୍ୟବସାୟ କରୁଥିଲା ।