ଭୁବନେଶ୍ବର:ସାରା ଓଡିଶାରେ ମୁକ୍ତିଲାଭ କରିଲା ଓଡ଼ିଆ ସିନେମା "ଅଧୁରା ପ୍ରେମ କାହାଣୀ "। ସମ୍ପୂର୍ଣ ଓଡ଼ିଆ ମୌଳିକ କଥାବସ୍ତୁକୁ ନେଇ କାହାଣୀ ନେଇ ଏହି ଚଳଚ୍ଚିତ୍ର ପ୍ରସ୍ତୁତ କରାଯାଇଛି । ଚଳଚ୍ଚିତ୍ରଟି ଓଡ଼ିଆ ମାଟିର ପାଣି ପବନକୁ ନେଇ ପ୍ରସ୍ତୁତ ହୋଇଛି । ତ୍ରିକୋଣୀୟ ପ୍ରେମ କାହାଣୀକୁ ହୋଇଥିବା ଏହି ଫିଲ୍ମରେ ଲଭ, ରୋମାନ୍ସ, ଭରପୁର କମେଡି ସହ ଭାଇ ଭଉଣୀଙ୍କ ତ୍ୟାଗ ଦେଖିବାକୁ ମିଳିବ । ଦର୍ଶକମାନେ ମଧ୍ୟ ଖୁବ ଉପଭୋଗ କରିବେ ବୋଲି କହିଛନ୍ତି ।
ଚଳଚ୍ଚିତ୍ରର ମୁଖ୍ୟ ଭୂମିକାରେ ଶୁଭାଶିଷ, ପୁନମ୍ ଓ ସୂର୍ଯମୟୀ ଥିବା ବେଳେ ତାଙ୍କ ସାଙ୍ଗକୁ ଅଶ୍ରୁମୋଚନ ମହାନ୍ତି, ଶ୍ରୀତମ ଦାସ , ଜୀବନ ପଣ୍ଡା, ପ୍ରଜ୍ଞା ଖଟୁଆ, ବିଟୁ, ଲିନା, ଜ୍ଞାନ, ବୋଲଟି, ଅକ୍ଷୟ, ସୁନିତା ଓ ସୁସ୍ମିତାଙ୍କ ଏମିତି ବହୁତ କଳାକାରଙ୍କୁ ନେଇ ଅଧୁରା ପ୍ରେମ କାହାଣୀ ସିନେମାଟି ପ୍ରସ୍ତୁତ ହୋଇଛି। ବିଶେଷ କରି ଏହି ସିନେମାରେ ଶିଶୁ କଳାକାର ଭାବେ ଶିବାନୀ, ଇମୁ, ଭାଗ୍ୟଶ୍ରୀ ଓ ବିଶ୍ୱନାଥ ଅଭିନୟ ଦେଖିବାକୁ ପାଇବେ ଦର୍ଶକ।
ତେବେ ମା ଦୁର୍ଗା ରଜତ ଜ୍ୟୋତି ପ୍ରଡକ୍ସନ ଵ୍ୟାନରରେ ପ୍ରଥମ ଅବଦାନରେ ଏହି ଫିଲ୍ମ ନିର୍ମାଣ କରାଯାଇଛି। ରଜତ ମହାପାତ୍ର ଓ ଜ୍ୟୋତି କିଶୋର ଦାଶ ପ୍ରଯୋଜନାରେ ହୋଇଥିବା ଏହି ଫିଲ୍ମରେ ନିର୍ଦ୍ଦେଶନା ଦେଇଛନ୍ତି ନିରଞ୍ଜନ (ଧୂନା ) ଏବଂ ଆଶୁତୋଷ ଦାସ । ଅନ୍ୟପଟେ ଷ୍ଟୋରୀ, ସ୍କ୍ରିନ ପ୍ଲେ ଓ ଡାଇଲଗରେ ଅଛନ୍ତି ପ୍ରିୟବ୍ରତ ପଣ୍ଡା ଓ ଡିଓପିରେ ଦିଲ୍ଲୀପ ବାରିକ ରହିଛନ୍ତି ।
ଏହା ମଧ୍ୟ ପଢନ୍ତୁ: ତୁ ସେଇ ନୀଳ ନୟନା: ଅଡିଓ ରିଲିଜ, ଖୁବଶୀଘ୍ର ରିଲିଜ ହେବ ନୂଆ ଓଡିଆ ଫିଲ୍ମ