ଖୋର୍ଦ୍ଧା: ଜିଲ୍ଲାର 16 ନମ୍ବର ଜାତୀୟ ରାଜପଥ ଚମ୍ପଗଡ ନିକଟରେ ଏକ ଏସିଡ ଟ୍ୟାଙ୍କରରୁ ଏସିଡ ଲିକ ହୋଇଛି । ଟ୍ୟାଙ୍କରଟି ଗଞ୍ଜାମରୁ କୋଲକାତା ଅଭିମୁଖେ ଯାଉଥିଲା । ତେବେ ଘଟଣାରେ କାହାରି କୌଣସି କ୍ଷତି ହୋଇନଥିବା ଜଣାପଡିଛି ।
ଗଞ୍ଜାମରୁ ଟ୍ୟାଙ୍କରଟି କୋଲକାତା ଅଭିମୁଖେ ଯାତ୍ରା କରୁଥିବାବେଳେ ଘଟିଛି ଏହି ଘଟଣା । ହାଇଡ୍ରୋକ୍ଲୋରିକ ଏସିଡ ଟ୍ୟାଙ୍କରର ଭଲବ କଟିଯିବାରୁ ଏସିଡ ଲିକ ହୋଇଥିବା ସୂଚନା ମିଳିଛି । ଘଟଣାରେ କାହାରି କୌଣସି କ୍ଷତି ହୋଇନାହିଁ । ଘଟଣାସ୍ଥଳରେ ଟାଙ୍ଗି ଓ ଖୋର୍ଦ୍ଧା ଅଗ୍ନିଶମ ବିଭାଗ ପକ୍ଷରୁ ଟ୍ୟାଙ୍କରରେ ପାଣି ପକାଇ ସ୍ଥିତିକୁ ନିୟନ୍ତ୍ରଣ କରିବାରେ ଲାଗିଛନ୍ତି ।