ଖୋର୍ଦ୍ଧା:ଅଧା ରହିଗଲା ସେନାବାହିନୀରେ ଭର୍ତ୍ତି ହେବା ସ୍ବପ୍ନ । ସନ୍ତରଣ ଅଭ୍ୟାସ କରୁଥିବା ସମୟରେ ଦୁର୍ଭାଗ୍ୟବଶତଃ ପୋଖରୀ ବୁଡି ଯୁବକଙ୍କର ମୃତ୍ୟୁ ହୋଇଛି । ଏପରି ଅଭାବନୀୟ ଘଟଣା ଘଟିଛି ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ସୋରଣ ଗ୍ରାମରେ ।
ପୋଖରୀ ବୁଡି ଯୁବକ ମୃତ
ସୂଚନାଅନୁସାରେ, ସୋରଣ ଗ୍ରାମର ୧୮ ବର୍ଷ ବୟସ୍କ ଯୁବକ ଅଶ୍ବିନୀ ବେହେରା ସେନା ବାହିନୀରେ ଭର୍ତ୍ତି ହେବା ପାଇଁ ଇଚ୍ଛା ରଖିଥିଲେ । ଏନେଇ ସେ ଅନେକ ଦିନ ହେବ ନିଜ ବନ୍ଧୁମାନଙ୍କ ସହ ଦୌଡ ଅଭ୍ୟାସ ସହ ସନ୍ତରଣ ଅଭ୍ୟାସ ଜାରି ରଖିଥିଲେ । ସବୁ ଦିନ ଭଳି ସୋମବାର ଅଶ୍ବିନୀ ଦୌଡା ଦୌଡି ଅଭ୍ୟାସ କରି ସାରିବା ପରେ ନିଜର ସାଥୀ ମାନଙ୍କ ସହ ଗାଁର କୋଇଲିଖିଆ ପୋଖରୀରେ ପହଁରା ଅଭ୍ୟାସ କରିବାକୁ ଆସିଥିଲେ । ହେଲେ କିଏ ଜାଣିଥିଲା ଆଜି ତାଙ୍କର ଦିନଟି ଜୀବନର ଶେଷ ଦିନ ହେବ ବୋଲି ।