ଖୋର୍ଦ୍ଧା: ଯୌତୁକ ପାଇଁ ନବବଧୂଙ୍କୁ ହତ୍ୟା ଅଭିଯୋଗ । ଏଭଳି ଅଭିଯୋଗ ଆସିଛି ବୋଲଗଡ ଥାନା ଅଧିନସ୍ଥ ପଞ୍ଚୁକୋଟ ଗ୍ରାମରୁ ।
ସୂଚନା ଅନୁଯାୟୀ, ବୋଲଗଡ ଥାନା ମାଣିକଗୋଡା ଗ୍ରାମର ସର୍ବେଶ୍ଵର ରଣସିଂହଙ୍କ ଝିଅ ମମତା ରଣସିଂହ ବୋଲଗଡ ଥାନା ଅଧିନସ୍ଥ ପଞ୍ଚୁକୋଟ ଗ୍ରାମରେ ନିଳମଣୀ ରାଉତରାଙ୍କ ପୁଅ ବିକାଶ ରାଉତରାଙ୍କ ସହିତ ୭ମାସ ତଳେ ବିବାହ ହୋଇଥିଲା । ବିବାହପରେ ଯୌତୁକ ପାଇଁ ମମତାକୁ ଶାଶୁ, ଶ୍ବଶୁର, ସ୍ୱାମୀ ଓ ନଣଦ ମାନସିକ ଓ ଶାରିରୀକ ନିର୍ଯାତନା ଦେଇ ଆସୁଥିଲେ ।
ବିବାହ ସମୟରେ ଦାବି ମୁତାବକ ୧ ଲକ୍ଷ ଟଙ୍କାରୁ ୭୦ ହଜାର ଟଙ୍କା ଦିଆଯାଇଥିଲା । ଆଉ ବଳକା ୩୦ ହଜାର ଟଙ୍କା ଶାଶୁଘର ଲୋକେ ଦେବା ସହ ପାଇଁ ଦାବି କରୁଥିଲେ । ଏହି ଟଙ୍କାକୁ କେନ୍ଦ୍ର କରି ଶାଶୁଘର ଲୋକ ଝିଅକୁ ହତ୍ୟା କରିଥିବା ବୋଲଗଡ ଥାନାରେ ମୃତକଙ୍କ ପରିବାର ପକ୍ଷରୁ ଅଭିଯୋଗ କରାଯାଇଛି ।
ବୋଲଗଡ ପୋଲିସ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ଖୋର୍ଦ୍ଧା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରି ଘଟଣାର ଅଧିକ ତଦନ୍ତ ଜାରି ରଖିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
