ଖୋର୍ଦ୍ଧା: ରାଜ୍ୟରେ ବେଧଡ଼କ ଚୋରା ମାଙ୍କଡ଼ା ପଥର ଚାଲାଣ ଚାଲିଥିବା ବେଳେ ଖଣି ମାଫିଆଙ୍କ ମଧ୍ୟରେ ଆତଙ୍କ ସୃଷ୍ଟି କରିଛି ପ୍ରଶାସନର ଘନ ଘନ ଚଢ଼ାଉ । ଏପଟେ ଆଜି(ରବିବାର) ଖୋର୍ଦ୍ଧା ତହସିଲଦାର ପଦ୍ମ ଚରଣ ସାହୁ ଟାଙ୍ଗିଆପଡା ଅଞ୍ଚଳରେ ଚଢ଼ାଉ କରି ବିଭିନ୍ନ ବେଆଇନ ଖଣିରେ ମାଙ୍କଡ଼ା ପଥର ବୋଝେଇ ୫ ଟି ଟ୍ରକକୁ ଜବତ କରିଛନ୍ତି। ତେବେ ଚଢ଼ାଉ ସମୟରେ ଟ୍ରକ ଛାଡି ଡ୍ରାଇଭର ଫେରାର ହୋଇଯାଇଥିବାରୁ ସେମାନଙ୍କୁ ଧରିବାରେ ବିଫଳ ହୋଇଛି ପ୍ରଶାସନ ।
ମାଫିଆଙ୍କ ଉପରେ ଚଢ଼ାଉ ଜୋରଦାର; ପୃଥକ ସ୍ଥାନରୁ ମାଙ୍କଡ଼ା ବୋଝେଇ ଟ୍ରକ, ବାଲି ବୋଝେଇ ଡମ୍ପର ଜବତ
ସେହିପରି ବୋଲଗଡ଼ ତହସିଲ ଅଞ୍ଚଳ ବାଙ୍କୋଇ ବଜାରରୁ ବିଳମ୍ବିତ ରାତିରେ ଚୋରା ବାଲି ବୋଝେଇ ଡମ୍ପର ଓ ପଥର ବୋଝେଇ ଟ୍ରକକୁ ଜବତ କରିଛି ବାଙ୍କୋଇ ଫାଣ୍ଡି ପୋଲିସ । ଘଟଣାରୁ ପ୍ରକାଶ ଯେ, ସରକାରୀ ରାଜସ୍ବକୁ ଠକି ବାଲି, ମାଙ୍କଡା ପଥର, ମୋରମକୁ ମାଫିଆମାନେ ଖୋର୍ଦ୍ଧା ଜିଲାର ବିଭିନ୍ନ ଅଞ୍ଚଳକୁ ଚାଲାଣ କରି ଭଲ ମୁନାଫା ଉଠାଉଛନ୍ତି। ଯାହାଦ୍ବାରା ତହସିଲର ରାଜସ୍ବ ଦିନକୁ ଦିନ କମିବାରେ ଲାଗିଛି।