ଖୋର୍ଦ୍ଧା : ଓଡ଼ିଶା ହେଉଛି କଳାର ଭଣ୍ଡାର । ଏଠାରେ ଅନେକ ପ୍ରତିଭାବାନ କଳାକାର ଅଛନ୍ତି । କିଛି ଲୋକଲୋଚନକୁ ଆସୁଛି ତ କିଛି ବଣମଲ୍ଲୀ ଭଳି ବଣରେ ମଉଳି ଯାଉଛନ୍ତି । ଏପରି ଜଣେ ପ୍ରତିଭାବାନ ଯୁବ ବାଲୁକାଶିଳ୍ପୀ ସରକାରୀ ସହାୟତା ନପାଇ ମଉଳିବାକୁ ବସିଲେଣି । ସେ ହେଉଛନ୍ତି ଖୋର୍ଦ୍ଧା ଜିଲ୍ଲା ବଡ଼ପୋଖରୀଆ ପଞ୍ଚାୟତ କଣ୍ଠପୁର ଗାଁର ଉମାକାନ୍ତ ରଣସିଂହ ।
ବାଲିରେ 'ଇଟିଭି ଲୋଗୋ'
ଜଣେ ପ୍ରତିଭାବାନ ବାଲୁକା ଶିଳ୍ପୀ ଭାବରେ ଖୋର୍ଦ୍ଧା ଜିଲ୍ଲାପାଳ ଓ ଜିଲ୍ଲାର ବିଭିନ୍ନ ସଙ୍ଗଠନ, ବିଜୁ ଯୁବ ବାହିନୀ ଦ୍ଵାରା ସମ୍ବର୍ଦ୍ଧିତ ହୋଇଛନ୍ତି । ଉମାକାନ୍ତଙ୍କ ବାପା ଜଣେ ଗରିବ ଦିନ ମଜୁରିଆ ହୋଇଥିବାବେଳେ ଉମାକାନ୍ତ ପିଲାଟି ବେଳରୁ ବାଲୁକା କଳା ପ୍ରତି ମନ ବଳାଇଥିଲେ ।