ଜଙ୍ଗଲରୁ ଶିଶୁ କନ୍ୟା ଉଦ୍ଧାର, ଶିଶୁ ଭବନରେ ଭର୍ତ୍ତି

ଖୋର୍ଦ୍ଧା ତିରିମଲ ରାସ୍ତାର ବେଗୁନିଆ ପଡା ଜଙ୍ଗଲରୁ ଏକ ନବଜାତ ଶିଶୁକନ୍ୟା ଉଦ୍ଧାର । ସଙ୍କାଟପନ୍ନ ରହିଛି ଶିଶୁଟିର ସ୍ବାସ୍ଥ୍ୟବସ୍ଥା । ଅଧିକ ପଢନ୍ତୁ...

ଖୋର୍ଦ୍ଧା:ପୁଣି ଅଲୋଡ଼ା ଶିଶୁକନ୍ୟା । ଖୋର୍ଦ୍ଧା ତିରିମଲ ରାସ୍ତାର ବେଗୁନିଆପଡା ଜଙ୍ଗଲରୁ ଏକ ନବଜାତ ଶିଶୁକନ୍ୟା ଉଦ୍ଧାର ହୋଇଛି । ଶିଶୁଟିକୁ କେହି ଜଙ୍ଗଲରେ ଶୁଆଇ ଦେଇ ଚାଲିଯାଇଥିବା କୁହାଯାଉଛି ।

ନବଜାତ ଶିଶୁକନ୍ୟାଟିକୁ ସ୍ଥାନୀୟ ଲୋକେ ଦେଖିବା ପରେ ତାକୁ ଉଦ୍ଧାର କରି ଖୋର୍ଦ୍ଧା ମାତୃ ଶିଶୁ ଭବନରେ ଭର୍ତ୍ତି କରିଛନ୍ତି । ଶିଶୁଟିର ଅବସ୍ଥା ସଙ୍କଟାପନ୍ନ ରହିଥିବାରୁ ତାକୁ ଶିଶୁ ଇଣ୍ଟନସିଭ କେୟାର ୟୁନିଟରେ ରଖାଯାଇଛି । ଜିଲ୍ଲା ଶିଶୁ ସୁରକ୍ଷା ବିଭାଗ ଏ ସମ୍ପର୍କରେ ଖବର ପାଇ ଖୋର୍ଦ୍ଧା ଡାକ୍ତରଖାନାରେ ପହଞ୍ଚି ତଦନ୍ତ ଆରମ୍ଭ କରିଛି । ଶିଶୁଟି କାହାର ଏବଂ କିଏ ତାକୁ ଫୋପାଡି ଚାଲିଯାଇଛି ସେ ସମ୍ପର୍କରେ କିଛି ଜଣାପଡିନାହିଁ ।



ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ