ଲକଡାଉନରେ ରକ୍ତ ସଙ୍କଟ ଦୂର ପାଇଁ ପୋଲିସର ରକ୍ତଦାନ ଶିବିର

ଖୋର୍ଦ୍ଧା ଜିଲ୍ଲା ପୋଲିସ ପକ୍ଷରୁ ସ୍ଥାନୀୟ ଜିଲ୍ଲା ମୁଖ୍ୟ ଚିକିତ୍ସାଧିକାରୀଙ୍କ କାର୍ଯ୍ୟାଳୟ ପରିଷରରେ ରକ୍ତଦାନ ଶିବିର ଅନୁଷ୍ଠିତ ହୋଇଛି ।

ଖୋର୍ଦ୍ଧା: ଜିଲ୍ଲା ପୋଲିସ ପକ୍ଷରୁ ସ୍ଥାନୀୟ ଜିଲ୍ଲା ମୁଖ୍ୟ ଚିକିତ୍ସାଧିକାରୀଙ୍କ କାର୍ଯ୍ୟାଳୟ ପରିସରରେ ରକ୍ତଦାନ ଶିବିର ଅନୁଷ୍ଠିତ ହୋଇଛି । ଖୋର୍ଦ୍ଧା ଜିଲ୍ଲାପାଳ ସିତାଂଶୁ ରାଉତ ଏହି ଶିବିରକୁ ଉଦଘାଟନ କରିଛନ୍ତି ।

ଏସପି ଅଜୟ ପ୍ରତାପ ସ୍ବାଇଁଙ୍କ ସମେତ ଜିଲ୍ଲାର ବରିଷ୍ଠ ଓ କନିଷ୍ଠ ପୋଲିସ କର୍ମଚାରୀମାନେ ଉପସ୍ଥିତ ରହି ରକ୍ତଦାନ କରିଛନ୍ତି । ଲକଡାଉନ ସମୟରେ ରକ୍ତ ଅଭାବକୁ ଦୂର କରିବା ନେଇ ରକ୍ତ ଦାନ ଶିବିର ଅନୁଷ୍ଠିତ ହୋଇଥିବା ଆୟୋଜକ କହିଛନ୍ତି । ପୂର୍ବରୁ ଜିଲାପାଳ ରକ୍ତଦାନ କରି ଅନ୍ୟମାନଙ୍କୁ ଏହି ମହାନ ଦାନରେ ସାମିଲ ହେବାକୁ ନିବେଦନ କରିଥିଲେ ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ