ଖୋର୍ଦ୍ଧା: ବୟସ ମାତ୍ର ୩ ବର୍ଷ । ଠିକରେ ପାଟି ବି ଖୋଲିନି । ହେଲେ ତାର ପ୍ରତିଭା ତାକୁ ସମସ୍ତଙ୍କଠାରୁ ଭିନ୍ନ କରି ଗଢି ତୋଳିଛି। ଏହି ବୟସରେ ୧୬୩ ଦେଶର ନାଁ ରହିଛି ଏହି କୁନି ଝିଅ ମୁହଁରେ। ଖୋର୍ଦ୍ଧା କାଇମାଟିଆର କମଳେନ୍ଦୁ ଓ ରଞ୍ଜନା ରାଣୀଙ୍କ ଝିଅ ସୋହିନୀ ଦାସ । ମାତ୍ର 3 ବର୍ଷରେ 163 ଦେଶର ନାଁ ମନେରଖି ଇଣ୍ଡିଆ ବୁକ ଅଫ ରେକର୍ଡରେ ସ୍ଥାନ ପାଇଛନ୍ତି ।
ବିସ୍ମୟ କୁନି ଝିଅ ସୋହିନୀ: ଇଣ୍ଡିଆ ବୁକ ଅଫ ରେକର୍ଡରେ ପାଇଲେ ସ୍ଥାନ
ଏତେ କମ ବୟସରେ ତାଙ୍କର ଏହି କୃତିତ୍ବ ଓଡିଶା ପାଇଁ ଗୌରବ ଆଣିଦେଇଛି । ତାଙ୍କ କୁନି ହାତରେ ଏବେ ଇଣ୍ଡିଆ ବୁକ ଅଫ ରେକର୍ଡର ମାନଚିତ୍ର ଆଉ ମେଡାଲ । ଯେକୌଣସି ଦେଶରେ ଜାତୀୟ ପତାକା ଚିତ୍ର ଦେଖି ଦେଶର ନାଁ ଅତି ସହଜରେ କହିପାରୁଛି ସୋହିନି । ତା ସାଙ୍ଗକୁ ସୌରମଣ୍ଡଳ, ଶରୀର ଅଙ୍ଗ ପ୍ରତ୍ୟଙ୍ଗ, ମହାଦେଶ, ଆହୁରି କେତେ କଣ। ତା ସାମ୍ନାରେ ଗ୍ଲୋବ ରଖିଲେ ସେ ନିର୍ଭୁଲ ଭାବେ ଯେକୌଣସି ଦେଶର ନାମ ମଧ୍ୟ କହିପାରୁଛି ।