ଖୋର୍ଦ୍ଧା: ଜନ୍ମରୁ ଯନ୍ତ୍ରଣା । ଚିକିତ୍ସା ପାଇଁ ଅର୍ଥ ସାଜିଛି ବାଧକ । ଭଙ୍ଗା ପଲିଥିନ ତଳେ ଜୀବନ ବିତୁଥିବାବେଳେ, କିଡନୀ ରୋଗରେ କଲବଲ ମିଟି । ପିଲାଟିବେଳୁ ଗୋଟିଏ କିଡନୀ ହରେଇଥିଲେ, ବର୍ତ୍ତମାନ ଅନ୍ୟଟି ଖରାପ ହେବା ଉପରେ । ଆଉ ଏପରି ସ୍ଥଳରେ ଖୋର୍ଦ୍ଧା ଜିଲ୍ଲା ଟାଙ୍ଗି ବ୍ଲକ କନ୍ତଳବାଇ ନୂଆସାହିର 21 ବର୍ଷୀୟ ମିଟିଙ୍କୁ ଲୋଡା ସରକାରୀ ସହୟତା ।
କଲବଲ କରୁଛି କିଡନୀ ରୋଗ
ଯେଉଁ ବୟସରେ ଭବିଷ୍ୟତର ସ୍ବପ୍ନ ତୋଳିଥାନ୍ତେ, ସେହି ବୟସରେ ସେ ବଞ୍ଚିବାର ରାହା ଖୋଜୁଛନ୍ତି । ପେଟ ପାଇଁ ପ୍ରତିଦିନ ସଂଘର୍ଷ କରୁଥିବାବେଳେ ରୋଗ ଯନ୍ତ୍ରଣା ତାଙ୍କୁ କଲବଲ କରୁଛି । ଏପରି ଦୁର୍ଦ୍ଦିନରେ ଜୀବନ ଜୀଉଁଛନ୍ତି ମିଟି ନାୟକ । ସେପଟେ, ବାପା ଜଣେ ଦିନ ମଜୁରିଆ ହୋଇଥିବା ବେଳେ ସେ ବି ରୋଗାଗ୍ରସ୍ତ । ତଥାପି ଝିଅର ଚିକିତ୍ସା ପାଇଁ ପ୍ରଥମେ ଘରୋଇ ହସ୍ପିଟାଲ ଆଉ ପରେ ଏମ୍ସ ଯାଇଥିଲେ । ହେଲେ ରୋଗ ଭଲ ହେବାକୁ ଦରକାର 15 ଲକ୍ଷ ଟଙ୍କା ।