ଖୋର୍ଦ୍ଧା: ବ୍ରାଉନସୁଗାରର ପେଣ୍ଠସ୍ଥଳୀ ପାଲଟିଛି ଖୋର୍ଦ୍ଧା ଜିଲ୍ଲା । ଦିନକୁ ଦିନ ଏଠାରେ ବଢି ଚାଲିଛି ବେପାରୀ ଓ ଗ୍ରାହକଙ୍କ ସଂଖ୍ୟା । ବିଗତ ଦିନରେ ଖୋର୍ଦ୍ଧା ଅଞ୍ଚଳରୁ ବହୁପରିମାଣର ଧଳାଜହର ଜବତ ହୋଇଥିବାବେଳେ ଏହାକୁ ବେପାର କରୁଥିବା ବେପାରୀମାନେ ଗିରଫ ହୋଇଛନ୍ତି ।
ପୁଣିଥରେ ମଙ୍ଗଳବାର ଖୋର୍ଦ୍ଧାରୁ ଲକ୍ଷାଧିକ ଟଙ୍କାର ଧଳାଜହର ଜବତ କରିଛି କଟକ ଅବକାରୀ ବିଭାଗର ଫ୍ଲାଇଙ୍ଗ ସ୍କ୍ୱାର୍ଡ । ଏହି ଚଢ଼ାଉରେ ଖୋର୍ଦ୍ଧା ଅବକାରୀ ବିଭାଗ ସହଯୋଗ କରିଥିବା ସୂଚନା ମିଳିଛି ।