ଭୁବନେଶ୍ବର:ରାଜ୍ୟରେ ଦିନକୁ ଦିନ ସଡକ ଦୁର୍ଘଟଣା ବଢିବାରେ ଲାଗିଛି । ଅନେକ ଜୀବନ ଦୀପ ଲିଭିଯାଉଛି । ସଡକ ଦୁର୍ଘଟଣାର ଶିକାର ଗୁରୁତରଙ୍କ ଉତ୍ତମ ଚିକିତ୍ସାକୁ ଗୁରୁତ୍ବ ଦେଇଛନ୍ତି ରାଜ୍ୟ ସରକାର । ଜାତୀୟ ରାଜରଥରେ ଆଉ 55 ଟ୍ରମା କେୟାର କେନ୍ଦ୍ର ଖୋଲିବାକୁ ନିଷ୍ପତ୍ତି ନେଇଛନ୍ତି । ସଡକ ଦୁର୍ଘଟଣାରେ ଆହତଙ୍କୁ ତୁରନ୍ତ ନିଃଶୁକ୍ଳ ଚିକିତ୍ସା ଯୋଗାଇବା ଏହାର ଲକ୍ଷ୍ୟ ରହିଛି ( trauma care facility ) । ଏନେଇ ସ୍ବାସ୍ଥ୍ୟ ବିଭାଗ ପକ୍ଷରୁ ଏକ ବିଜ୍ଞପ୍ତି ଜାରି ହୋଇଛି ।
ପ୍ରତି ଜିଲ୍ଲାରେ ଗୋଟିଏ ଟ୍ରମା କେୟାର ସେଣ୍ଟର ପ୍ରତିଷ୍ଠା ଲାଗି ଯୋଜନା ଥିବା ସ୍ବାସ୍ଥ୍ୟ ସଚିବ ଶାଲିନୀ ପଣ୍ଡିତ ସୂଚନା ଦେଇଛନ୍ତି । ସଡକ ଦୁର୍ଘଟଣାରେ ମୃତ୍ୟୁ ହାରରେ ଜରୁରୀକାଳୀନ ମେଡିକାଲ କେୟାର (ଟ୍ରମା କେୟାର)କୁ ମଜବୁତ କରିବାରେ ଓଡିଶା ସରକାର ଏବେ ଆଗକୁ ଆସିଛନ୍ତି । ମସ୍ତିଷ୍କ ଆଘାତ ଚିକିତ୍ସା ପାଇଁ ରାଜ୍ୟରେ 33ଟି ଟ୍ରମା କେୟାର ସୁବିଧା ପ୍ରତିଷ୍ଠା କରିବାକୁ ଯାଉଛନ୍ତି ରାଜ୍ୟ ସରକାର । ତିନୋଟି ସ୍ତରରେ କାର୍ଯ୍ୟକାରି ହେବ । ଅଧିକ ଶକ୍ତିଶାଳୀ କରିବା ପାଇଁ ସରକାର ପ୍ରଥମ 48 ଘଣ୍ଟା ମଧ୍ୟରେ ସଡ଼କ ଟ୍ରାଫିକ୍ ଦୁର୍ଘଟଣା ଯୋଗୁଁ ଟ୍ରମା ପୀଡ଼ିତଙ୍କୁ ଚିକିତ୍ସା ଯୋଗାଇ ଦେବା ପାଇଁ ରାଜ୍ୟରେ ଲେବୁଲ-1 ଟ୍ରମା କେୟାର ସୁବିଧା ସହିତ 18 କର୍ପୋରେଟ୍ ହସ୍ପିଟାଲ କରିଛନ୍ତି । ରାଜ୍ୟ ଦେଇ ଯାଇଥିବା ଜାତୀୟ ରାଜରଥ କଡରେ ଟ୍ରମା କେୟାର ସେଣ୍ଟର ପ୍ରତିଷ୍ଠା ହେବ । ରାଜ୍ୟ ଦେଇ ଯାଇଥିବା 25ଟି ଜାତୀୟ ରାଜପଥରେ ପ୍ରତି 50 କିମି ଅନ୍ତରରେ ଟ୍ରମା କେୟାର ସେଣ୍ଟର ପ୍ରତିଷ୍ଠା ହେବ ।
ଏହା ବି ପଢନ୍ତୁ...Lawyers Agitation: ସମ୍ବଲପୁରର ଗିରଫ ଓକିଲଙ୍କ ଜାମିନ ପୁଣି ଖାରଜ
ନୂତନ ପ୍ରସ୍ତାବିତ ଟ୍ରମା କେୟାର ସୁବିଧାଗୁଡ଼ିକର ସ୍ଥାନଗୁଡ଼ିକ ହେଉଛି ଅନୁଗୁଳ ଜିଲ୍ଲାର ପାଲଲହଡା, ଖମାର, ବନାରପାଲ, ତାଳଚେର, ଛେଣ୍ଡିପଡା, ଆର.କେ.ନଗର, ବାଲେଶ୍ଵର ଜିଲ୍ଲାର ସୋର, ବରଗଡ଼ ଜିଲ୍ଲାରେ ପଦ୍ମପୁର, ବଲାଙ୍ଗୀର ଜିଲ୍ଲାରେ ଟିଟିଲାଗଡ, ବୌଦ୍ଧ ଜିଲ୍ଲାର ପୁରୁଣା କଟକ, ଦେଓଗଡ଼ ଜିଲ୍ଲାର ବାରକୋଟେ, ଢେଙ୍କାନାଳ ଜିଲ୍ଲାର କାମାକ୍ଷାନଗର, ଭୁବନ, ଗଜପତି ଜିଲ୍ଲାର ମୋହନ, ଆର ଉଦୟଗିରି, ଗଞ୍ଜାମ ଜିଲ୍ଲାର ଖଲିକୋଟ, ଭଞ୍ଜନଗର, ଆସ୍କା, ଯାଜପୁର ଜିଲ୍ଲାର ବଡ଼ଚଣା, ଝାରସୁଗୁଡ଼ା ଜିଲ୍ଲାରେ ଲଖନପୁର, ବ୍ରଜରାଜନଗର, କୋଲାବିରା, କଳାହାଣ୍ଡି ଜିଲ୍ଲାର କେସିଙ୍ଗା, କୋକସରା, ଧର୍ମଗଡ, କନ୍ଧମାଳ ଜିଲ୍ଲାର ତୁମୁଡିବନ୍ଧ, ଦାରିଙ୍ଗିବାଡି, ଟିଟିଲାଗଡ଼, କେନ୍ଦୁଝର ଜିଲ୍ଲାରେ ଚମ୍ପୁଆ, ଘଟଗାଁ, ଆନନ୍ଦପୁର, ଖୋର୍ଦ୍ଧା ଜିଲ୍ଲାରେ ବାଲୁଗାଓଁ, ବୋଲଗଡ, କୋରାପୁଟ ଜିଲ୍ଲାରେ କୁନ୍ଦୁଲି, କୋଟାପଡ଼ା, ଲକ୍ଷ୍ମୀପୁରୀ ମାଲକାନଗିରି ଜିଲ୍ଲାରେ ମାଥିଲି, କାଲିମେଳା, ମୟୂରଭଞ୍ଜ ଜିଲ୍ଲାରେ ଯଶିପୁର, କରଞ୍ଜିଆ, ବାଙ୍ଗିରିପୋଷି, ବେତନଟୀ, ନୟାଗଡ଼ ଜିଲ୍ଲାରେ ଦଶପଲ୍ଲା, ଚାନ୍ଦପୁର, ନୂଆପଡ଼ା ଜିଲ୍ଲାରେ ଖଡିଆଳ କୋମନା, ପୁରୀ ଜିଲ୍ଲାରେ ପିପିଲି, ରାୟଗଡ଼ା ଜିଲ୍ଲାରେ ପଦ୍ମପୁର ସମ୍ବଲପୁର ଜିଲ୍ଲାରେ କୁଚିଣ୍ଡା, ଫସିମାଳ, ନାକଟିଦେଉଳ, ସୋନପୁର ଜିଲ୍ଲାରେ ଡୁଙ୍ଗୁରିପାଲି, ସୁନ୍ଦରଗଡ଼ ଜିଲ୍ଲାରେ ଲହୁଣୀପଡ଼ା, କୁତ୍ର, କୋଇଡା ଇତ୍ୟାଦି ସ୍ଥାନରେ ଟ୍ରମା କେୟାର ପ୍ରତିଷ୍ଠା କରାଯିବ ।
ଇଟିଭି ଭାରତ, ଭୁବନେଶ୍ବର
