ଡକାୟତି ଯୋଜନା ପଣ୍ଡ, ୫ ଡକାୟତ ଗିରଫ

ଜଟଣୀ ବଡତୋଟା ସିଦ୍ଧାର୍ଥ ଭିଲେଜ ଅଞ୍ଚଳରେ ଜଟଣୀ ପୋଲିସ ଅତର୍କିତ ଚଢାଉ କରି 5 ଡକାୟତଙ୍କୁ ଗିରଫ କରିଛି । ସମସ୍ତ ଗିରଫ ଅଭିଯୁକ୍ତ ଜଟଣୀ ଅଞ୍ଚଳର।

ଖୋର୍ଦ୍ଧା: ଜଟଣୀ ବଡତୋଟା ସିଦ୍ଧାର୍ଥ ଭିଲେଜ ଅଞ୍ଚଳରେ ପୋଲିସର ଅତର୍କିତ ଚଢାଉ । ଚଢାଉ ବେଳେ 5 ଜଣ ଡକାୟତଙ୍କୁ ଗିରଫ କରିଛି ଜଟଣୀ ଥାନା ପୋଲିସ । ସେମାନଙ୍କ ନିକଟରୁ 2ଟି କଟୁରୀ, 2ଟି ଖଣ୍ଡା, ଗୋଟିଏ ଷ୍ଟିଲ ରଡ ଓ 2ଟି ବାଇକ୍ ଜବତ ହୋଇଛି । ଗିରଫ ଅଭିଯୁକ୍ତମାନେ ସମସ୍ତେ ଜଟଣୀ ଅଞ୍ଚଳର ବୋଲି ଜଣାପଡିଛି ।

ସୂଚନାନୁସାରେ, ଏମାନେ ସମସ୍ତେ ଡକାୟତ ଯୋଜନା ପ୍ରସ୍ତୁତ କରୁଥିବାବେଳେ ବିଶ୍ବସ୍ତ ସୂତ୍ରରୁ ଖବର ପାଇ ପୋଲିସ ଅତର୍କିତ ଚଢାଉ କରି 5 ଜଣଙ୍କୁ ଗିରଫ କରିଥିଲା । ଗିରଫ ପରେ କୋର୍ଟ ଚାଲାଣ କରିଛି ପୋଲିସ ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ