ଖୋର୍ଦ୍ଧା: ଜିଲ୍ଲାର କୁହୁଡି ବର ଗାଡିଆ ସାହିରେ ଶନିବାର ଟାଙ୍ଗୀ ପୋଲିସ ଚଢାଉ କରି 30 କିଲୋଗ୍ରାର ଚୋରା ଗଞ୍ଜେଇ ଜବତ କରିଛି । ଜବତ ହୋଇଥିବା ଗଞ୍ଜେଇର ବଜାର ମୂଲ୍ୟ 3ଲକ୍ଷ ଟଙ୍କା ହେବ ବୋଲି ପୋଲିସ ଆକଳନ କରିଥିବା ବେଳେ ଏହି ମାମଲାରେ ଜଣେ ମହିଳାଙ୍କୁ ଗିରଫ କରିଛି ପୋଲିସ ।
ଖୋର୍ଦ୍ଧାରୁ 30 କେଜି ଗଞ୍ଜେଇ ଜବତ, ଜଣେ ମହିଳା ଗିରଫ
ମିଳିଥିବା ସୂଚନା ଅନୁସାରେ, ଜିଲ୍ଲାର ଗ୍ରାମାଞ୍ଚଳମାନଙ୍କରେ ନିଶା କାରବାର ହେଉଥିବା ପୋଲିସକୁ ଖବର ମିଳିଥିଲା । ତେବେ ଖବର ମିଳିବା ପରେ ଟାଙ୍ଗୀ ପୋଲିସ କୁହୁଡି ବର ଗାଡିଆ ସାହିରେ ଚଢାଉ କରି 30 କେଜି ଗଞ୍ଜେଇ ଜବତ କରିବା ସହ ଏହି ଚୋରା କାରବାର କରୁଥିବା ଅଭିଯୋଗରେ ଜଣେ ମହିଳାଙ୍କୁ ଗିରଫ କରିଛି। ଗିରଫ ମହିଳା ଜଣକ କୁହୁଡି ଵର ଗାଡିଆ ସାହିର ପ୍ରଭାତି ବେହେରା(5୦)। ମହିଳା ଜଣକ ଦୀର୍ଘ ଦିନ ହେଲା ଚୋରା ଗଞ୍ଜେଇ କାରବାର କରି ଆସୁଥିବା ପୋଲିସ ତଦନ୍ତରୁ ଜଣାପଡିଛି ।