ଖୋର୍ଦ୍ଧା : ବୋଲଗଡ ବ୍ଳକ ବାଙ୍କୋଇ ପଞ୍ଚାୟତରେ ବାହାଘର ଭୋଜି ଖାଇ ୩୦ ଜଣ ଅସୁସ୍ଥ ହୋଇଥିବା ଖବର ସାମ୍ନାକୁ ଆସିଛି । ସମସ୍ତ ଅସୁସ୍ଥଙ୍କୁ ବାଙ୍କୋଇ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ରେ ଭର୍ତ୍ତି କରାଯାଇଛି । ତେବେ କେଉଁ କାରଣରୁ ଏପରି ଅଭାବନୀୟ ଗଟଣା ଘଟିଲା ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇପାରିନାହିଁ ।
ମିଳିଥିବା ସୂଚନା ଅନୁସାରେ ଶୁକ୍ରବାର ଗାଁରେ ବାହାଘର ଭୋଜି ଆୟୋଜନ ହୋଇଥିଲା । ଗ୍ରାମବାସୀ ବିବାହ ଭୋଜି ଖାଇବାକୁ ଯାଇଥିଲେ । ଶନିବାର ସେମାନଙ୍କ ମଧ୍ୟରୁ କିଛି ଲୋକଙ୍କର ଅସ୍ବଭାବିକ ଭାବେ ପେଟ କାଟିବା ସହ ଝାଡା ଓ ବାନ୍ତି ହୋଇଥିଲା । ପରେ ଗାଁର ୩୦ ଜଣ ଅସୁସ୍ଥ ହୋଇପଡିଥିଲେ । ସେମାନଙ୍କୁ ବାଙ୍କୋଇ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି । ଖାଦ୍ୟ ବିଷାକ୍ତ ହୋଇଯାଇଥବାରୁ ଏଭଳି ଅଘଟଣ ଘଟିଥିବା ସନ୍ଦେହ କରାଯାଉଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
